Atzealdea Aldundiak Basque Culinary Centerraren sorkuntza gastronomikoari buruzko ikerketa babesten du

José Ignacio Asensio: «Gure gastronomiaren kalitate handia mantendu behar dugu, baliabideen eraginkortasun handiena lortzea posible egiten duena, eta horrela, jasangarritasunaren benetako parametroak mantendu ahal izango dira». Ingurumeneko Departamentuak Basque Culinary Centerrak antolatutako Gastronomia Jasangarriko VII. Jardunalian parte hartu du, jasangarritasunaren zenbait ikuskera aztertzeko: produktua, jatetxea, industria, hondakina, nutrizioa eta osasuna.

2018·11·23

Aldundiak Basque Culinary Centerraren sorkuntza gastronomikoari buruzko ikerketa babesten du

Ingurumeneko diputatuak, José Ignacio Asensiok, Basque Culinary Centerrak Gipuzkoako Foru Aldundiaren elkarlanean antolatu dituen Gastronomia Jasangarriko VII. Jardunaldian parte hartu du gaur. Hau Departamentuak Hondakinak Prebenitzeko Europako Astearen baitan egin duen ekimena da.

Sukaldaritza jasangarriari buruzko jardunaldi honetan, aditu ugarik graduondoko ikasleak eta sektoreko eragileak hezi dituzte produktuen erosketan, kontsumitu gabeko elikagaietan edo zakarreriaren kudeaketan aplika daitezkeen praktikei buruz. Prozesuetan jasangarritasun irizpideak gehitu dira eta etorkizuneko sukaldariburuei sukaldaritza jasangarriaren onura ekonomikoak, ingurumenekoak eta gizartekoak zeintzuk diren erakutsi zaie.

Asensiok azaldu du sukaldaritza dela oihartzun handia duen tokiko lan eta ekonomia eragilea, eta aldi berean ingurumenarekiko eragin handia du. «Sektore hau babestu behar dugu jasangarritasunerantz aurrera egiteko eta ingurumenarekiko eragin txikiagoa, baliabideen kontsumoa murriztea eta hondakinen sorrera gutxiagotzea lortzeko», adierazi du Ingurumeneko diputatuak.

Egungo elikagaien sistemak ez dira jasangarriak. Izan ere, erabiltzen diren baliabideen produkzio-tasa kontsumo-tasa baino txikiagoa da. Uraren %70aren eta berotegi-efektuko isurien %30aren arduradunak dira. «Egoera honen aurrean, gure gastronomiaren kalitate handia mantendu behar dugu, baliabideen eraginkortasun handiena lortzen posible egiten duena, eta jasangarritasunaren benetako parametroak mantendu ahal izango dira», baieztatu du Asensiok.

Ingurumeneko diputatuak sukaldaritza jasangarrirantz aurrera egiteko beharra azpimarratu du: «Jatetxetan sortutako subproduktu nagusiak aztertzen dituzten ikerketak egitea beharrezkoa da eta plater berrietan elaborazio gastronomiko berriak barneratzeko garapena egin behar da. Jardun hauek sukaldaritza jasangarriko etorkizuneko ziurtagiriekin batera joan behar du, establezimenduen ingurumen eta giza alderdiei balioa emanez», gaineratu du Asensiok.

Kontsumo energetikoa; hondakinen kudeaketa; lehengaien kalitatea produktu ekologikoen bitartez; hondakinen berrerabiltzea, birziklatzea eta gutxitzea; bertako zein denboraldiko produktuen erabilera lortzen duen jasangarritasunerantz aurrera egin behar dugu.

Egungo elikagaien sistemak ez dira jasangarriak. Izan ere, erabiltzen diren baliabideen produkzio-tasa kontsumo-tasa baino txikiagoa da. Uraren %70aren eta berotegi-efektuko isuirien %30aren arduradunak dira. “Egoera honen aurrean, gure gastronomiaren kalitate handia mantendu behar dugu, baliabideen eraginkortasun handiena lortzen posible egiten duena, eta jasangarritasunaren benetako parametroak mantendu ahal izango dira”, baieztatu du Asensiok