Aktualitatea

2021·09·15

José Ignacio Asensio: “Hau tokiko moda jasangarria bultzatzeko apustua da. Erakundeok sektore guztiei lagundu behar diegu, eta, zehazki, hurbileko modari, eskulanari eta tokiko merkataritzari; baina aukera horretaz baliatu behar dugu normaltasun berri bat eraikitzeko, ekonomia berde berri bat”.

Harkaitz Millan: “Kultura Sailak bat egiten du tokiko modaren sektorea ikusarazteko apustuarekin. Moda kultura-adierazpen bikoitzeko modu bat da: alde batetik, sortzailearen eta bere diseinuekin transmititu nahi duenaren ikuspuntutik, eta, bestetik, janzten dituen pertsonaren eta komunikatzeko moduaren ikuspegitik.”.

José Luis Rebordinos: “Jasangarritasuna ez da aukera bat. Aditu guztiak bat datoz, beharrezkoa da neurriak berehala hartzea ingurumenaren suntsiketa atzeraezina izan ez dadin, eta tokiko modaren aldeko apustu hori ekintza txikia izan daiteke, baina beharrezkoa da beste neurri batzuekin batera”.

Donostiako Nazioarteko Zinemaldiaren 69. edizioko aurkezleak, aktoreak, dantzariak eta galetako zuzendariak Gipuzkoako eta Euskadiko modaz jantziko dira berriro, Gipuzkoako Foru Aldundiko Ingurumeneko eta Kulturako Departamentuen, Donostiako Udalaren eta Eusko Jaurlaritzaren eskutik, "Zinemaldiko 2021eko izarrak janzten" 2021 proiektuaren bidez. Ekimen honek aukera eman die lurraldeko marka guztiei proiektu honetan parte hartzeko, eta Gipuzkoako Foru Aldundiko Ingurumeneko eta Kulturako Departamentuek ahalegina egin dute Zinemaldian iraunkortasunaren, ekonomia berdearen eta tokikoaren irizpideak sartzeko.

COVID-19ak Gipuzkoako moda-sektorearen eta moda-industriaren merkataritza-garapena zaildu duen urte honetan, agerian geratu da tokiko balioak duen garrantzia. Normaltasun berde berri bat eraiki behar da (Green Recovery), eta, horretarako, Zinemaldia gure kulturaren eta nazioarteko ehun-sorkuntza jasangarriaren erakusleiho bihurtuko da berriro.

Deialdi publiko batean Gipuzkoako, Bizkaiko eta Nafarroako 40 enpresa atxiki ziren, eta Zinemaldiko estilistek aurkeztutako proposamenak aurrez hautatu ondoren, 22 enpresak hartuko dute parte Zinemaldiko bederatzi egunetan “Zinemaldiko izarrak janzten” ekimenean. 22 enpresa horietatik 19 gipuzkoarrak dira, 1 bizkaitarra, 1 arabakoa eta 1 nafarra: Adriana Astiazaran, AEG Ikastetxea, Álex Vallejo joyeros, Amagoia Etxeberria, Amaia Albes, Ana Loreto Martín, Charo Casteres, Desiree Arellano Galarreta, Elixabet Perdiguero, Getary, Isabel Astiazaran, Isabel Zapardiez, Javi Pérez Chalbaud, Joyería Casa Munoa, Loreak Mendian, Maialen Campaña, Minimil (Arantxa Garín), Miren Arruabarrena Zapirain, Sophie & Voila, Torrubia & Torrubia eta Unai Fernández (Lasalwear).

José Ignacio Asensio Ingurumeneko diputatuak azpimarratu duenez, “hau tokiko moda jasangarria bultzatzearen aldeko apustua da. Aurten Gipuzkoako Foru Aldundiaren presentziak, garrantzia handiagoa hartu du COVID-19aren pandemiak eragindako krisia dela. Krisi horrek sektore ekonomiko guztiei eragin die, eta zuzenean modaren industriari ere”. Gainera, foru-arduradunak adierazi duenez, “erakundeok sektore guztiei lagundu behar diegu, eta, zehazki, hurbileko modari eta tokiko eskulanari eta merkataritzari. Baina aukera horretaz baliatu behar dugu normaltasun berri bat eraikitzeko, ekonomia berde berri bat: 'Green Recovery'.

Harkaitz Millan Kultura diputatuak gaineratu duenez, “Kultura Sailak bat egiten du tokiko modaren sektorea ikusarazteko apustuarekin. Moda kultura-adierazpide bikoitza da, alde batetik, sortzailearen ikuspegitik eta bere diseinuekin transmititu nahi duena, eta, bestetik, janzten dituen pertsonarena eta komunikatzeko modua”.

Bestalde, Zinemaldiko zuzendari José Luis Rebordinosek azpimarratu duenez, euskal moda nazioartean ezagutarazten laguntzeaz gain, jasangarritasunari dagokionez ere egin behar da: “Duela egun batzuk, Zinemaldiaren ingurumen-eraginari buruzko txostena eta hura murrizteko konpromisoak aurkeztu genituen. Orduan esan genuen iraunkortasuna ez dela aukera bat.

Bestalde, Jose Luis Rebordinos Zinemaldiko zuzendariak azpimarratu duenez, euskal modaren nazioarteko ikusgarritasunari laguntzea plazer bat izateaz gain, jasangarritasun terminoetan egitea betebeharra ere bada: "Duela egun batzuk Zinemaldiak ingurumenean duen eraginari buruzko txostena aurkeztu genuen, baita hura murrizteko gure konpromisoak ere. Orduan esan genuen iraunkortasuna ez dela aukera bat. Aditu guztiak bat datoz: beharrezkoa da neurriak berehala hartzea ingurumenaren suntsiketa atzeraezina izan ez dadin, eta tokiko modaren aldeko apustu hori txikia izan daiteke, baina beharrezkoa da beste neurri batzuekin batera”.