Aktualitatea

2021·10·14

Ekimen hau Gipuzkoako Foru Aldundiko Ingurumeneko Departamentuak sustatu du, eta bere helburua da Lurraldearekiko energia-mendekotasuna murriztea, energia berriztagarrien erabilera sustatzea eta autokontsumoa bultzatzea.

José Ignacio Asensio: José Ignacio Asensio: “Orain da diskurtsoak gauzatzeko unea. Gipuzkoako lehen energia-komunitatea, Zumarragan, urrats bat gehiago da energiaren demokratizazioan eta energia berriztagarrien aldeko apustuan, eta horrek aukera emango digu deskarbonizatutako gizarte baterantz joateko”.

Mikel Serrano: “Proiektu hau aitzindaria da Euskadin, benetako konpromisoa da, eta gobernu-talde honek udalerrian energia-trantsizioa eta jasangarritasuna bultzatzeko hartu duen eta duen konpromisoa egiaztatzen du”.

José Ignacio Asensio Ingurumeneko diputatuak,Mikel Serrano Zumarragako alkateak eta Juan Diego Edirnorko kontseilari delegatuak plaka fotovoltaikoen instalazioa bisitatu dute Argixaoko harmailen estalkian, Zumarragan. Hala, Zumarraga TEK Zumarraga izeneko Gipuzkoako lehen energia-komunitatea da. Gipuzkoako Foru Aldundiko Ingurumeneko Departamentuak bultzatutako ekimen honi esker, udalerriko 260 etxek eta saltoki txikik energia berriztagarria kontsumitu ahal izango dute, eta faktura elektrikoa merkatuko dute.

Gaur egun, 98 plaka fotovoltaiko jarri dira Argixaoko futbol zelaiko harmailen estalkian, 290 m²-ko azalera erabilgarria duena. 45 kWp-ko eguzki-energiako instalazio honek energia berdea emango die autokontsumoko erregimenean inguruko auzoetako etxe eta denda txikiei eta ostalaritzari 500 m-ko erradioan.

Horren ondoren, plakak jarriko dituzte udalerriko beste lau eremutan: Busca Isusi, Antononio Oraá, Izaspi eta Kulturetxe Zelai-Arizti. Horrela, Zumarragako TEKek izango dituen 351 plakak osatuko dituzte, 1.090 m²-ko azalera erabilgarria hartuko dute, eta guztira 160kWp sortuko dituzte, udalerriko hirigunea estaltzeko.

TEK Zumarraga energia-komunitate honetan parte hartuz, unitate bakoitzak argiaren fakturan urtean % 20 aurreztuko duela zenbatetsi da, eta CO₂ emisioak 860 tona murriztuko direla.

El diputado de Medio Ambiente, José Ignacio Asensio, ha destacado la importancia de esta iniciativa tan necesaria para “democratizar la energía y acelerar la transición hacia un modelo energético ecológico y justo”. Asensio ha manifestado que “la transición energética es la principal palanca de cambio hacia una economía descarbonizada y competitiva, y para ello el papel de las administraciones es fundamental para acelerar la transición energética y construir un modelo que empodere a las personas con un rol activo en el centro del sistema energético”.

Bestalde, Zumarragako alkate Mikel Serranok nabarmendu du garrantzitsua dela Zumarraga eta Zumarragakoentzat Euskadiko udalerri aitzindaria izatea horrelako proiektuetan, eta horregatik eskertu dio José Ignacio Asensio Ingurumen diputatuari aukera hori. Era berean, eskerrak eman nahi dizkie Zumarragako herritarrei ekimen honekin bat egiteagatik; izan ere, gaur egun, Zumarragako Energia Komunitateak 180 atxikimendu ditu dagoeneko, horietatik 170 etxeak dira eta 10 denda txiki eta ostalariak, 115 kWp kontsumituko lituzketenak. “TEKen bazkide gehiago sartzeko lekua dago oraindik, eta horretan ari dira, gaur egun, kontratatutako laguntza teknikoaren ahaleginak” adierazi du Mikel Serranok.

“Proiektu hau egia bihurtu den konpromisoa da, eta Gobernu Talde honek Energia Trantsizioa eta Jasangarritasuna bultzatzeko izan duen eta duen konpromisoa egiaztatzen du. Neurri asko jaso dira legegintzaldi honetarako Gobernu Planean esparru horren barruan, eta Zumarragako TEK dagoeneko martxan egotea, bide horretan jarraitzera animatzen gaitu”, esan du Serranok.

Testuinguru horretan, tokiko energia-komunitateak energia-trantsiziorako aldaketaren azeleragailu gisa aritzen dira. Sustatzen den eredu berria deskarbonizazioaren kontzeptuan oinarritzen da; izan ere, sorkuntza fosilean eta deszentralizazioan oinarritutako energia pixkanaka uztea errazten du, eta garraio-beharrak eragindako ingurumen-inpaktua murrizten du. Kontsumitzailea ahalduntzea da eredu berri honen hirugarren ardatza, eta energia berriztagarriak ekoitzi, erosi, kontsumitu eta biltegiratzean herritarren rol aktiboa sustatzen du.

Proiektu hau lankidetza publiko-pribatuko eredu batean garatzen ari da. Eredu horretan, Petronorren %100 filiala den Edinor Albak parte hartzen du, eta deskarbonizazio-jarduerak biltzen ditu. Energia-trantsizioko proiektuen artean, Tokiko Energia Komunitateak sustatzen eta garatzen ditu hiri-eremuetan.

Zer da TEK bat?

TEK izeneko eguzki-energiako komunitateek, Tokiko Energia Komunitatea  euskarazko siglengatik, alternatiba jasangarria eta ingurumena errespetatzen duena eskaintzen diete herritarrei energia-kontsumoan. TEKek eguzki-plakak jartzen ditu udalerriko eraikinen estalkietan, bizilagunek eta saltokiek kontsumitzen duten energia elektrikoaren %25 sortzeko. Gainerako %75a jatorri berriztagarriko energia batera erosiz osatzen da, eta, horren bidez, merkatuko preziorik onenak izango dituzte parte-hartzaileek.

TEKen parte hartzea erabakitzen duten bizilagunek %25 arte murriztuko dute beren faktura elektrikoa, hasierako inbertsiorik eta irauteko eskakizunik gabe, eta %100 energia berriztagarria kontsumituko dute, eta, beraz, atmosferara CO². TEK Km 0 energia berriztagarria sortu, kontsumitu eta partekatzeko bide bat da, inguruaren garapena eta kalitatezko enpleguaren sorrera bultzatuz, eguzki-komunitateak tokiko hornitzaileekin instalatu eta kudeatuz.