25 urte bete ditu dFeriak

Martxoaren 11tik 14ra ospatuko da Donostiako Arte Eszenikoen jaialdiaren 25. urteurrena. Sarrerak salgai daude.

Antzerkia, dantza eta bestelako diziplina anitzak gerturatzen ditu dFeria jaialdiak, Donostia egun horietan arte eszenikoen hiriburu bihurtuz. Mende laurdena ospatuko du aurten, eta horren aitzakian egitarau berezia osatu du.

32 konpainiak hartuko dute parte, martxoaren 11tik 14ra bitartean, 33 ikuskizun aurkeztuz eta 36 emanaldi eskainiz. Baina urteurrenaren aitzakian, eta feriako giroa asteburutik hauspotu asmoz, martxoaren 9 eta 10erako ere hiru emanaldi berezi antolatu dituzte. Egitarau osoa dferia.eus-en dago ikusgai.

Boterea izango da edizio honetako ardatza. Zerbait egiteko edo zerbait izateko gaitasuna izan liteke boterea, baina dFeriak beste ikuspuntu batetik jorratuko du gaia: nagusitasun hegemonikoa izateko edo aginte gorena islatzeko gaitasuna islatuz.

Ikuskizunetarako sarrerak salgai daude dagoeneko, antzokietako lehiatiletan eta donostiakultura.eus/sarrerak webgunean.

Argazkia: MarcosGpunto