Gordailuako bisita gidatuak, martxan

Gordailua, Gipuzkoako Foru Aldundiaren ondare bildumen zentroa ezagutzeko bisita gidatuak egingo dira hilabetean behin.

Kultur ondasuna iraunaraztearen helburuarekin, 60.000 objektu baino gehiago biltzen ditu Gordailuak Irungo bere egoitzan, arkeologikoak, etnografikoak, historikoak, artistikoak… Horietako batzuk ikusi ahal izango dira antolatu dituzten bisita gidatuetan, barne funtzionamenduaren mekanismoak ezagutaraztearekin batera.

Lehenengo bisitak, esaterako, azalduko du nola ematen zaien erantzun egokia, joko ospetsuaren aitzakian, harrizko, paperezko eta metalezko objektuek behar dituzten tenperatura- eta hezetasun-maila eskakizunei.

Hilabetean behin izango dira bisita gidatuok, ostiralez. 17:00etan gaztelaniazkoak izango dira, eta 18:00etan, berriz, euskarazkoak. Hala ere, taldea osatuz gero, bisitaldiak beste ordu eta egunen batean egitea posible izango da. Modu batera edo bestera, beharrezkoa izango da aldez aurretik izena ematea, 943 555 520 telefonora deituz, edo gordailua@gipuzkoa.eus helbidera idatziz.

2018an, esaterako, 450 bisita jaso zituen Gordailuak.

Bisita gidatuen programa

• Urtarrilak 25: Harri-orri-ar: material bakoitzari, bere klima
• Otsailak 22: Arkeologiako piezak: indusketetatik Gordailura
• Martxoak 29: Zaharrak berri: zertan da errestaurazioa?
• Apirilak 26: Arteak lan eman: nola gorde artelanak?
• Maiatzak 31: Energia goitik behera
• Ekainak 21: Eskerrik asko: dohaintzak, zure ondarea, denona