Katapulta Tour Gipuzkoak 2020rako deialdia kaleratu du, gorabidean dauden artistei zuzenduta.

Deialdira aurkezteko epea urtarrilaren 6an amaitzen da.

Deialdira aurkezteko epea urtarrilaren 6an amaitzen da

Katapulta Tour Gipuzkoa formatu txikiko musika eta arte eszenikoen zirkuitua da, Gipuzkoako Foru Aldundiko Kultura Departamentuak eta Kutxa Kulturak sustatua, Donostia Kulturaren eta Buenawista Prolleckziom's-en laguntzarekin.

Helburuak:

• Gipuzkoako talentuen balioa nabarmentzea eta bultzatzea –batez ere ikasleengan arreta jarrita–, musikaren eta arte eszenikoen eremuan.
• Gipuzkoako eszenaren dinamizazioan laguntzea, klubei eta antolatzaileei lagunduz.

2020rako deialdia egin du

Deialdia gorabidean dauden artistei, profesionalei edo erdi-profesionalei zuzenduta dago, beren karrera musikaren eta arte eszenikoen esparruetan modu profesionalean garatzeko interesa dutenei.

Pop, Rock, Folk, Electrónica, Hip-Hop eta antzeko estiloak, baita formatu txikiko arte eszenikoen proposamenak ere, hala nola mikro-antzerkia, bakarrizketak, performancea eta magia.

Proposamenek artisten jatorrizko lanak edo artistentzat berariaz sortutakoak izan behar dute gehienbat.

• Gipuzkoan hiru emanaldi egiteko aukera.
• 400 euroko konpentsazio ekonomikoa emanaldi bakoitzeko.
• Artistaren edo proiektuaren promozio-bideo bat grabatzea.

Katapulta Tour Gipuzkoaren hautaketa-prozesuan:
2016an: 70 musika arloan eta 39 arte eszenikoetan.

2017an: 76 musika arloan eta 33 arte eszenikoetan.

2018an: 68 musikaren arloan eta 17 arte eszenikoetan
2019an: 74 musikaren arloan eta 27 arte eszenikoetan.

Guztira 404 izen emate, 312 artistaren eskutik.

Urte honen amaieran, programaren lau edizio horietan, zirkuituak berak hautatutako 34 proiekturi (musikako 18 eta arte eszenikoetako 16) eta Kutxa Kultur Musika programaren 24 musika-proiektuei lagunduko zaie; guztira, 58 proiektu.  Musikari dagokionez, azpimarratu behar dugu proiektu asko sortu direla Donostialdeaz harago, bereziki Azkoitia, Azpeitia, Bergara, Irun, Legazpi, Zumarraga eta Zumaia bezalako herrietan (50 proiektu), eta asko izan direla, baita ere, euskarazko musika proiektuak (42), 30 urtez azpiko kideak dituzten proiektuak (49) eta emakumeen parte-hartzea dutenak (26).

Estiloei dagokienez, proposamenak askotarikoak dira: rock mota desberdinak (Pop-Rock, Rock&roll, Hard Rock, Stoner, Hardcore, Metal), Pop, Blues, Soul, Jazz, Folk, Hip Hop, Flamenkoa, eta abar.