Atzealdea

Performancea giza askapen gisa

Egitasmoaren izena : Performancea giza askapen gisa

Eragilea : Noemi Cupido

Telefonoa
722337891
Kontaktua
Noemi Cupido

Lantzen dituen arlo artistikoak:

Antzerkia

Zein eskola-ikasgairekin duen harremana:

Gizarte zientziak
Euskara
Gorputz hezkuntza
Etika
Plastika
Zein balio sustatzen ditu
Inklusioa, aniztasuna, giza harremanak, irizpide kritikoa eta buru-zalutasuna.
Zein ikas mailari edo adinari zuzentzen zaio:
Guztiak
Zenbat ikaslek parte har dezakete ekitaldi baten:
Gela bat
Ekitaldi bakoitzaren prezioa:
1.330 € (%21eko BEZa barne)
Jardueraren deskribapena:

Lantegi teoriko-esperimental honen helburua arte performatiboa ezagutu eta harekiko interesa piztea izango da, adierazpen hizkuntza berriak aurkituz eta konbentzio eta artearen ideia tradizionalak hautsiz modu dibertigarri eta libre batean. Horretarako, ordu t´erdiko hiru unitate/saio didaktikoz osatutako prozesu bat burutuko da hiru aste jarraituetan zehar: 

1. UNITATE DIDAKTIKOA: ZER DA PERFORMANCEA?
Lantegia emango duen profesionalaren aurkezpena egingo da. Ondoren, ikasleei ezagutzen dituzten hizkuntzei buruz galdetuko zaie (artistikoak eta ez artistikoak), eta, horrela, performancearen kontzeptuari eta bilakaerari buruzko aurkezpena egitera iritsiko da, saio bera kode performatibo dibertigarri batean oinarrituz.

2. UNITATE DIDAKTIKOA: ESPERIENTZIA.
Ikasleek performancea osatzen duten atalekin lan egingo dute, espazioa, denbora, gorputza eta publikoarekin harremana dituzten ariketa sortekin lan eginez.  Saioan zehar azaldu diren ariketa interesgarriak erakutsi eta komentatuko dira.

3. UNITATE DIDAKTIKOA: SORKUNTZA.
Bakarka edo taldeka, klasearen aurrean egin beharko duten performancea sortzea proposatuko zaie ikasleei. Espazioa beste gela edo ikastetxeko beste leku batetan egiteko aukera emango zaie. Ondoren, horren motibazioa edota esanahia azalduko dute.

Amaitzeko, ebaluazio bat egingo da non lantegian bizitakoa eta ikasitakoa partekatuko da.

Jarduera gauzatzeko behar diren baldintzak eta baliabideak:
  • Espazio diafanoa (ikastetxeak jarri beharko du).
  • Musika erreproduktorea, altabozak eta mikrofonoa (ikastetxeak jarri beharko du).
  • Ikasleak etxetik ekarritako objetuak, musika eta arropa 2. eta 3. saiorako.

* COVID19-k eragindako egungo egoera dela eta, prebentzio neurri batzuk hartuko dira, beti ere osasun agintariek transferitutako irizpideetan oinarrituta, hala nola, maskara eta gel hidroalkoholikoaren erabilera, ikasleen arteko 1.5metroko diastantiza errespetatzea eta jardueraren hasieran eta bukaeran espazioa desinfektatzea.

Jarduerari buruzko txostena:

Performancea artistak edo beste parte-hartzaile batzuek burututako ekintzen bidez sortutako artelan edo erakusketa artistikoa da, zuzenekoa, dokumentatua, espontaneoa eta tradizionalki diziplinartekoa.

Performancea urteetan zehar zuzenean aurkezten den genero gisa garatu egin da, eta zeregin garrantzitsua eta funtsezkoa izan du arte abangoardistan XX. Mendean zehar.

Oinarrizko lau elementu biltzen ditu: denbora, espazioa, gorputza edo artistaren presentzia alde batetik, eta sortzailearen eta publikoaren arteko harremana bestetik. Edozein agertoki edo espazio motatan eta edozein unetan zehar egin daitezke. Haien helburua erreakzioa sortzea da, batzuetan inprobisazioaren laguntzarekin eta estetikaren zentzua kontutan harturik. Gaia artistaren beraren funtsezko prozesuekin, salaketa edo kritika sozialarekin eta eraldatzeko espirituarekin lotuta egon ohi da.

Performancea ezinbesteko artea bihurtzen duena  esperientzia bisuala eta kontzeptuala izatea da, non artistak askotan jendeari erronka ematen dio modu berri eta ezohikoetan pentsatzeko, arteen konbentzio tradizionalak hausteko, eta artearen ideia tradizional eta akademikoa definitzen duena eraldatzeko.

Arte garaikidea hezkuntza-esperientzia gisa hartuta, ikasleek elkar uler dezakete nork bere buruari eta inguruko munduaren, sorkuntza-prozesuen, ideien, paradigmen eta metaforen balio ezberdinak. Gainera, tailerra esperientzia praktiko gisa erabiltzeko oso interesgarria da ikasleak zeregin aktiboa hartzen duelako, zuzenean arte-ingurunearen bidez adierazi eta bere nortasuna eraikitzen laguntzen diolako.

Arte adierazpen garaikideen artean, performancea norberaren gorputzaren eta emozioen kontzientzia garatzen laguntzen du, eta sentimenduak, bizipenak eta ideiak adierazteko erabili daiteke. Gainera, espiritu kritikoa garatzea, sozializazioa eta taldean lan egiteko gaitasuna hobetzen du ikasleen arteko harremanak sakonduz, eta erabilgarria da ezohiko adierazpena, jakin-min intelektuala eta sormena pizteko. Hala ere, performancea ez da oso ezaguna  hezkuntza ezparruan.

Alde batetik, metodologia eta tresna didaktiko tradizionalak, estimulu errazak eta zuzenak proposatzen ditu, eguneroko ekintzak egin daitezkeelako esperientzia estetikoak sortuz. Bestetik, ikasle guztiek bere burua adierazi eta interes eta kontzentrazio maila altua mantendu dezakete, funtsean gorputza bera erabiliz tresna konplexuak erabili gabe.

Proposamenaren egilearen ibilbide profesionala

Noemi Cupido Donostia eta Cadiz artean hazitako aktore, sortzaile, psikologo eta psikoterapeuta da. Psikologian lizentziatua eta RESAD-en antzerki fisikoaren espezialitatean, maskararen hizkuntzan sakontzen du Mar Navarro eta Jacques Lecoq-ren pedagogiarekin, Helena Ferrari-rekin gorputz adierazpenean, M. Chejov-en teknikan Sol Garre-rekin eta Nô antzerkian Michikatzu Tanedarekin. Besteak beste, Alain Vigneau, David Shiner, Jo Kelly, Carles Vila eta Raul Massanarekin ikasten jarraitzen du.
Hamar urte baino gehiago daramatza arte eszenikoen munduan murgilduta. Aktore gisa hainbat ekoizpenetan parte hartu du, hala nola, A. Trijuequek zuzendutako "Orfeo ed Euridice" operan, "Llorar en público" bere bakarrizketa finalistarekin Radio Euskadiko Umore Bakarrizketa lehiaketaren hirugarren edizioan eta zuzendari artistiko gisa "Sormenaren parte izan" proiektuan.
Antzezteko grina bere beste bokazioarekin uztartzen du, giza garapenarekin, psikoterapeuta eta terapeuta artistiko sortzaile gisa lan eginez praktika pribatuan eta borondatezkoan.

Dokumentu osagarriak
Loturak

Noemi Cupido