Gipuzkoako kultura zentroak

Urretxuko Aizpurunea kultur etxeko beheko solairuan dago kokatua. Bi zati bereizten dira: bata, mineralei dagokiena, 1.000 pieza inguru katalogatuta dituena eta konposizioaren arabera hamaika taldetan sailkatuak daudenak; bestea, fosilei dagokiena, bost kontinenteetatik jasoak, eta kronologikoki jarriak. Gainera, erakusketa honek badu harkaitzei eskainitako leku berezi bat.

Museo honetan erleen antolakuntza eta komunikazioan sakontzeko aukera izango duzu teknologia aurreratuenen laguntzaz. Gainera, erleak ikusi ahal izango dituzu kristalezko erlauntz berezi batzuen barnean. Hemen, abaraskak nola eraikitzen dituzten, nola ikusten duten, erregina nolakoa den, haien dantza bidezko komunikazio zehatza zertan datzan,... zuzenean ikusi ahal izango duzu.

Algorri Interpretazio Zentroa Zumaiako inguru naturaletik gertu dago, eta ekosistema ezberdinak ezagutzeko aukera paregabea eskaintzen du. Zentroko ikus-entzunezko emanaldiak historia geologikoan zehar bidaia egiteko aukera ematen du. Erakusketa bisitatuz, Zumaiako ekosistema naturalak antzeman daitezke: Biotopo Babestua den marearteko zabalgunea eta flyschezko itsaslabarrak; eta Natura 2000 Sarean, Batasuneko Garrantzizko Lekua izendatu den Urola itsasadarra. Zentroak liburutegia eta tailer-gela eskaintzen dizkio bisitariari.

Migel Joakin Eleizegi Ateaga, Altzoko Handia, 1818 eta 1861 bitartean bizi izan zen eta 2,42 m-ko altuera izatera iritsi zen. Ospe handia lortu zuen Europan zehar, bere garaiko erraldoirik handienen artean baitzegoen. Bere istorio harrigarria ezagutzeko hainbat baliabide eskaintzen ditu Altzoko Udalak: Erakustokian, harekin lotutako hainbat objektu ikus daitezke; Dokumental batean bere bizitza eta garaia ezagutu daitezke eta ibilbide seinalizatua dago bere jaiotetxetik eta hura ibilitako parajeetatik barrena igarotzen dena, norberak egin ahal izateko edo gidari adituen laguntzarekin (aurrez hitzartuta).

Anduetza Parketxeak Aizkorri-Aratz parke naturala ikusteko, sentitzeko eta interpretatzeko beste modu bat aurkezten digu; ez digu soilik parkeko natura aberastasuna erakusten, honekin bat mendeetan zehar naturaren eta gizakiaren arteko elkarbizitzak sortu duen paisaia kulturala ere erakusten du.

Antioko interpretazio zentroa ermitaren ondoan dago eta eskualdeko turismo bulegaoren egoitza da, besteak beste. Bertan, Ignaziotar Lurraldea egitasmoari eta Ignaziotar Bideari buruzko informazioaz gain, Urola Garaia eskualdeko turismo informazio gunea aurkituko du bisitariak.

Lasarten jaiotako Antonio Mercero zinemagilearen museo birtuala da. Lasarte-Oriako udalak, Gipuzkoako Foru Aldundiaren laguntzarekin, bere artxiboetan duen zinemagilearen bizitzari eta lanari buruzko material guztiaren informazio eta zabalkunderako tresna gisa sortu du.

Lasarte-Oriako Udalak webgune honetan ageri den materiala Antonio Merceroren familiaren laguntzarekin egin duen bilketaren emaitza da. Erabiltzaileren batek bertan ageri den materialen batek hirugarrenen eskubideak urratzen dituela uste badu, Lasarte-Oriako Udalarekin harremanetan jartzeko eskaera egiten diogu.

Inguruabarrari egokituz beti, inguratzen dionarekin bat eginez, Antonio Oteizak mundu osoan zehar sakabanatu du bere obra.

Estatuan, Madril, Salamanca, Oviedo edo Azkoitia izan dira bere norako gogokoenak. Eliz barnean nahiz kanpoan artea bultzatzeko bere grinak 10.000 obra baino gehiago sortzera eraman du.

Gaur egungo Donostiako Aquariuma 1928an ireki zen eta bere solairu bakoitzean hiru gai erakusten ziren: itsasoko historia, itsasoko naturaren historia eta akuarioa. Horri esker Espainiako akuario eta zientzia naturalen museo zaharrena eta Euskadiko itsas museorik zaharrena dugu.1998an Aquariuma handitu zen eta bere ibilbideko inflexio-puntua izan zen. Espazioa zerbitzu eta instalazio ikusgarriekin handitzeaz gain -horien artean aipatzekoa da tunel batek zeharkatzen duen 1.800.000 litro ur dituen depositua-, berrikuntza horrek ingurumen-arazoen inguruko dibulgazioa, ikerketa eta sentsibilizazioa sustatzeko aukera eman zuen

Gipuzkoa eta Nafarroa arteko mugan eta Aralar Parke Naturalaren barruan. Errepide ertzean, Lizarrusti portuaren gainean dago kokatua (621 m.). Gipuzkoatik, Ataun zeharkatuz iristen da (Beasaindik 18 km.). Nafarroatik, Arbizu eta Etxarri Aranatz herrietatik.

Aizkorri-Aratz 2006. urtean izendatu zen Parke Naturala. Babesturiko eremua 15.919 hektareaz osaturik dago. Berezko distira duten hainbat altxor barneratzen ditu. Bertan kultura eta natura guztiz elkarloturik agertzen dira. Paisaia kulturalaz jantziriko eta historiaz beteriko espazio naturala dugu hau. Beste batzuen artean artzaintza eta baso ustiaketa dira egun ezagutzen dugun paisaia egituratu duten jarduerarik garrantzitsuenak.