Crossover festibala

Vida perfecta bizitza krisi bete-betean dauden hiru emakumeren istorioa da. Beraien bizitza planteatuta zutenaren oso bestelakoa izan zitekeela ulertzen duten hiru emakume. Leticia Dolerak idatzi, zuzendu eta protagonizatzen duen telesail hau, zeina Movistar+ telebista kateak ekoitzi baitu, Telesail Onenaren Saria jaso du Canneseries jaialdiaren azkeneko edizioan. Lehenengo kapituluaren estreinaldiaren ostean, hiru protagonistak solasean arituko dira. GONBIDAPENAK LORTU

Telebistarako euskal fikzioak ibilbide luzea egin du gaur arte. Goenkale telesaila da telebistarako euskal fikzioaren mugarrietako bat, 21 urtez eman ondoren. Gaur egun Go!azen da euskal telebistaren fenomeno berria: batez ere gazteenen artean arrakasta duen telesaila, fikzioa eta musika uztartzen dituena. Xabi Zabaleta –Go!azenen sortzaileetako bat-, Ainhoa Larrañaga -aktore protagonistetako bat- eta Olatz Beobide –Goenkaleren errealizadorea- euskal fikzioaren iraganari, orainari eta etorkizunari buruz arituko dira.      

Borja Cobeaga Diego San Josérekin solasean. Diego San José Borja Cobeagarekin solasean. Banandu ezin den bikote honek espainiar komedia berriaren sorkuntza prozesua aztertuko du. Ideiatik gidoira eta hortik errealizaziora, Cobeagak eta San Josék proiektu bat aurrera ateratzeko gakoak zeintzuk diren azalduko digute.      

Politika boterea da, eta boterea da fikzioak jorratzen dituen gaietako bat. Baita telesailetan ere. Horren adibide dira House of Cards, Borgen, Veep edo The West Wing, politikaren gaia bete-betean jorratzen duten telesailak. Baina ez dira bakarrak. Game of Thrones, A very English Scandal edo Bodyguard bezalako telesailetan ere funtsezko osagaia baita politika. #Eztabai afarian politikaren mundua lehen eskutik ezagutzen duten gonbidatuak elkartuko dira, beraien ikuspegitik azaltzeko zenbateraino den egia fikzioan agertzen den politika hori. INFORMAZIO GEHIAGO, MENUA ETA SARRERAK Moderatzailea: Mariló García  

Azken urteotan, goi mailako telesail handinahien produkzioagatik nabarmendu da Italia. Gomorra, The Young Pope eta Il Miracolo nazioarteko telesail dramatiko onenen artean lehiatzen dira. Gure gonbidatuek hiru maisulan hauei buruz eta plataforma espainiarretan ikusi daitezkeen beste batzuei buruz –Maltese, L’amica geniale, 1992 edo Romanzo Criminale, besteak beste- hitz egingo dute.      

Marina Such, Álvaro Onieva eta Alberto Rey, Fuera de Series webguneko kazetariak, hizketan arituko dira beren lanari buruz: noiz jasotzen dituzten telesailak, nola erabakitzen duten zeini buruz hitz egin, edo zer egiten den telesailen grabazio batetara bidaiatzen dutenean. Eta bai, zertan lan egiten duten esan orduko egiten dieten galdera horri ere erantzungo diote… Gainera, unean bertan sor daitekeen beste edozein galderari erantzuteko prest egongo dira.           

Arturo Gonzalez Camposek, AXNko Los Seriotes bat izateaz gain Todopoderosos eta Aquí hay dragones podcasten kide sortzaileetako bat denak, bi emakume gonbidatuko ditu, pertsonaia femeninoek egungo fikzioan duten garrantziari buruz hitz egiteko. Azken urteotan, emakumeen garrantzia gero eta handiagoa izan da akzioko telesailetako protagonista gisa. Hala, bada, hizketaldi honetan aztertuko dute zer bilakaera izan duten rol hauek azken hamarraldietan, eta genero arrakastatsu honetako hainbat pertsonaia eta anekdota gogoraraziko dituzte. Moderatzailea: Arturo González-Campos.

Lorenzo Mejinok HBO Europe-eko azken ekoizpenaren lehenengo pasartea aurkeztuko digu: Success, eta bide batez erraldoi iparramerikarra Europako sortzaileen sentsibilitatera nola hurbiltzen den kontatuko digu ere. Europara etorri zenetik, HBO-ren ekoizpen maila igo egin da urtetik urtera, eta gaur egun proiektu ezberdinak ditu martxan, haien artean Fernando Arambururen Patria nobelaren egokitzapena.              

Hiru familia tronu batengatik borrokan. Sei aditu lehian. Telebistaren historiako telesail garrantzitsuenetako bat amaitzeko egun gutxi falta diren honetan, gure gonbidatuek borroka egingo dute, Burdinazko Tronua nork eskuratu behar duen defendatzeko argudioak emanez. Stark, Targaryen edo Lannister? Eta zuk, noren aldeko apustua egiten duzu?