Errenta kanpaina 2025 aurkezpena
Ogasuneko eta Finantzetako foru diputatu Itziar Agirrek prentsaurreko bat eman du gaur goizean, 2025eko errenta kanpainaren atarian, aurtengo berrikuntza nagusiez informatzeko. Zerga sistemaren erreforma fiskala onartzen duen Foru Arauaren bidez 2025ean hartutako neurri nagusien aplikazioaren urtean, Foru Ogasuna IZFErekin elkarlanean aritu da bere programa eta aplikazio guztiak egokitu eta hainbat informazio tresna garatzeko, kanpainan gorabeherarik izan ez dadin. "Helburua da zergadunek beren aitorpena modu eroso eta erraz batean baieztatu edo aldatu ahal izatea, nahiago duten bidea erabiliz, horretarako Ogasuneko bulegoetara joan beharrik izan gabe", adierazi du Agirrek. "Gogoratu behar da erreforma fiskalean jasotako aldaketek Gipuzkoako herritarren % 80ri egingo diotela mesede".
2026/03/24