Menu nagusira joan Eduki nagusira joan

Gipuzkoa Talent

Euskal Hezkuntza Sistema

Haur hezkuntza, lehen hezkuntza eta derrigorrezko bigarren hezkuntza

Euskal Autonomia Erkidegoan eskolaratzea doakoa da 3 eta 16 urte bitartean, eta derrigorrezkoa 6 urtetik gora. Honakoak hartzen ditu:

  • Haur Hezkuntza (HH): 3 eta 6 urte bitartean
  • Lehen Hezkuntza (LH): 6 eta 12 urte bitartean
  • Derrigorrezko Bigarren Hezkuntza (DBH): 12 eta 16 urte bitartean

Eskola motak

Eskola publikoak daude, hitzartuak (irakaskuntza pribatua, Eusko Jaurlaritzaren Hezkuntza, Hizkuntza Politika eta Kultura Sailak diruz lagundua) eta nazioartekoak.

Euskadiko nazioarteko eskolak alde batera utzirik, irakaskuntzan bi hizkuntza erabiltzen dira: euskara eta gaztelania. Biak dira ofizialak erkidego honetan.

Unibertsitatekoez aparteko irakaskuntza-zentroen zerrenda (Euskadiko eskola eta institutuak)

Euskadik nazioarteko bost eskola dauzka:

American School of Bilbao Deutsche Schule Bilbao Lycée Français de Bilbao ST George’s English School en Donostia Deutsche Schule San Alberto Magno en Donostia

Derrigorrezko bigarren hezkuntza ondokoa

16 eta 18 urte bitarteko irakaskuntza ez derrigorrezkoa

Derrigorrezko Bigarren Hezkuntza gainditzen duen ikasleak “Derrigorrezko Bigarren Hezkuntzako Graduatu” titulua eskuratzen du; horrek aukera ematen dio batxilergoa edo erdi mailako zikloak egiteko.

Batxilergoa

  • Borondatezko hezkuntza.
  • Bigarren Hezkuntzako Graduatu titulua behar da.
  • Lau modalitate daude: Arteak, Natura eta Osasun Zientziak, Teknologia, eta Giza eta Gizarte Zientziak; eta, horiez gain, Musika eta Dantzako Batxilergoa dago.
  • Bi ikasturte hartzen ditu.
  • Amaitutakoan batxilergoko titulua lortzen da, eta horrek bidea zabaltzen du bigarren hezkuntzaz osteko prestakuntzarako, hots: unibertsitaterako eta goi mailako prestakuntza-zikloetarako.

Lanbide Heziketa

  • Borondatezko hezkuntza.
  • Bigarren hezkuntzaz osteko ikaskuntza
    • Oinarrizko profesionala (eta erdi mailako prestakuntza-ziklo bat egitea ahalbidetzen du).
    • Teknikaria (eta goi mailako prestakuntza-zikloak egitea ahalbidetzen du).
    • Goi mailako teknikaria.
    • 2.000 orduko iraupena (1.400 eta 1.700 orduko salbuespen bat edo besterekin), bi ikasturtetan banatuta.

Goi mailako unibertsitate hezkuntza

Euskal unibertsitate sistema Goi Mailako Hezkuntzaren Europako Esparruaren (GHEE), hots, Bolonia izenaz ere ezagutzen den horren barnean dago.

Bolonia Planak titulazio sistema malgu bat du oinarrian, sistema ulergarri eta alderagarria alegia, ikaslearen lan aukerak areagotzeko eta haren mugikortasuna bultzatzeko, zein goi mailako hezkuntza-sistema europarraren nazioarteko lehiakortasuna sendotzeko. Lor daitezkeen titulazioak honakoak dira:

  • Titulu homologatuak: Espainian balio ofiziala dutenak.
  • Titulu propioak: bakar-bakarrik eskaintzen dituzten unibertsitateek berek aintzatetsiak.

Unibertsitateko titulazioen sistema berria:

Gradua eta graduondokoa ditu oinarrian, eta oro har hiru ziklotan egituratzen da:

  • Oinarrizko hezkuntza eta prestakuntza orokorrekoa, jarduera profesionaletarako prestakuntzara bideratua. Zikloa gainditzeak dagokion titulua eskuratzeko eskubidea ematen du, gobernuak erabakitzen duenaren arabera.
  • Bigarren ziklo edo graduondokoa: prestakuntza aurreratua, espezializatua edo diziplina anitzekoa, espezializazio akademiko edo profesionalera zuzendua, edo ikerkuntza-jardueretan abiatzekoa. Zikloa gainditzeak Master titulua eskuratzeko eskubidea ematen du.
  • Hirugarren zikloa: prestakuntza aurreratua doktore tesiak prestatzeko eta aurkezteko tekniketan. Zikloa gainditzeak eskubidea ematen du doktore titulua eskuratzeko (maila akademikorik altuena da goi mailako hezkuntzan, eta irakaskuntzarako eta ikerkuntzarako gaitzen du).