Turismo helmuga bati buruzko elkarrizketa gaur egun ez da soilik turismo bulegoetan edo inkestetan gertatzen: egunero gertatzen da sare sozialetan, iritzi plataformetan, foroetan eta komunikabide digitaletan. Bisitariek zer esaten duten, zer baloratzen duten edo zer behar duten entzutea funtsezkoa da turismoaren errealitatea hobeto ulertu eta erabaki egokiagoak hartzeko.

Horregatik, online ospeari eta entzute aktiboari buruzko datuetara sartzeko formulario hau jarri dugu interesdunen eskura, bakoitzaren lurralde edo eskumen eremuari lotutako informazioa kontsultatzeko aukera izan dezaten. Informazioa Gipuzkoako eskualdeei eta turismo-sektoreari lotutako elkarteei soilik emango zaie.

Zergatik da garrantzitsua Entzute Aktiboa?

Internet bidez partekatzen diren milaka iritzi, komentario eta esperientzia ezagutza erabilgarri eta estrategiko bihurtzeko aukera ematen duelako. Informazio hori aztertzeak joerak identifikatzen, hobekuntza aukerak detektatzen, baliabideak optimizatzen eta bisitarien behar eta itxaropenekin modu eraginkorragoan konektatzen laguntzen du.

Gainera, formulario hau ahalik eta errazena eta malguena izan dadin diseinatu dugu. Aukera teknikoetako batek zalantzak sortzen badizkizu, ez kezkatu: jo zuzenean 5. atalera eta azaldu zure hitzekin zer behar duzun. Gure taldeak zure eskaera aztertuko du eta aukerarik egokiena aurkitzen lagunduko dizu.