Gipuzkoako Zaintza eta Gizarte Politikak

Gipuzkoako Zainketa eta Gizarte Politiketako Departamentuaren zeregina pertsona guztien ongizatea eta babesa bermatzea da eta, bereziki, egoera zailetan daudenena. Departamentuaren lana funtsezkoa da gizartea inklusiboagoa, solidarioagoa eta bidezkoagoa izan dadin, adinekoak, desgaitasuna dutenak, mendekotasuna dutenak edo gizartean baztertuta geratzeko arriskuan daudenak zaintzea ardatza izanik. Departamentuak garatu eta ezartzen dituen politika publikoak pertsonen autonomia eta ongizatea sustatuko duten funtsezko zerbitzu eta baliabideak eskaintzera bideratzen dira, betiere pertsona ardatz duen ikuspegi batetik abiatuta. 

Gainera, familiei eta zaintzaileei laguntzeko programak eta neurriak bultzatzen ditu, gizarte-sarean betetzen duten zeregina funtsezkotzat jotzen duen aldetik. Hirugarren sektoreko hainbat entitaterekin eta tokiko elkarte nahiz erakundeekin elkarlanean jardunez. Hau da, gizarte-laguntzako sarea indartzen du, eta arreta integrala eta koordinatua bermatzen du. 

Departamentua garrantzitsua da, etengabe aldatzen ari den askotariko lurralde baten erronka sozialei erantzuteko eta herritarren bizi-kalitatea hobetzeko ahalmena den aldetik. Elkartasuna eta erantzukidetasun sustatutzeko lan egiten du, izan ere departamentua da Gipuzkoako zainketako eta ongizateko politiken ardatz, inor atzean gera ez dadin.