Pertsonak gizarte-bazterkeria egoeran egoten dira beren baliabide pertsonal, harremanezko eta materialekin lotutako askotariko gabeziak ugarik beren bizi-baldintzei, denbora luzez, eragiten badiete. Zailtasun metaketa horrek komunikatzeko, gizarte-bizitzan parte hartzeko eta trebetasun pertsonalak garatzeko zailtasunak eragiten ditu, eta horrek komunikazio- eta gizarte-isolamendua dakar. 

Gizarte-bazterkeria dimentsio anitzeko kontua da, izan ere, inklusioa eta herritarren identitatea osatzen duten truke, jardun eta eskubideetatik at geratzea dakar. Ez da soilik baliabide ekonomikorik edo enplegurik ez izatera mugatzen, beste hainbat esparrutan ere ageri da, esate baterako, heziketan, osasunean, bizikidetzan eta zerbitzuen irisgarritasunean. 



  • Gizarte-bazterkeria baloratu eta diagnosia egiteko zerbitzua

    Gizarte-bazterkeriaren intentsitatea izan daiteke: 

    • ARINA: Deserrotze hasierako edo arina. Senitartekoekin edo beren laguntza-sareekin harreman ahulak dituzten pertsonak. 
    • NEURRIZKOA: Deserrotze-fase aurreratua. Oinarrizko gizarte-loturak hautsi dituzten pertsonak. 
    • LARRIA: Ez dute gizartean parte hartzen. Gizarte-harremanik eta afektibitatekorik gabeak, edo oso modu prekarioan. 

    Balorazio-zerbitzua eskatzeko modua:

    1.

    Eskaera

    Udal Oinarrizko Gizarte Zerbitzuen bidez. 



Gizarte-akonpainamenduko eta esku-hartze sozial eta hezkuntza arloko zerbitzuak ingurune komunitarioan

Arreta anbulatorioko zerbitzua, bazterkeria-egoeran dauden pertsonei ingurune komunitarioan gizarte-laguntza (instrumentala, kognitiboa eta emozionala) eskaintzera bideratutako prestazio pertsonalak eta harreman erakoak barne hartzen dituena. 

HELBURUAK

  • Pertsona bere ingurune komunitarioan modu autonomoan ibili eta gizarteratzeari dagokionez, hobekuntza lortzea. 
  • Eragiten dion gizarte-bazterkeriako egoeraren intentsitatea arintzea. 

HARTZAILEAK

Gizarte-bazterkeriako egoeran dauden pertsonak, dagokion balorazioa egin ostean Foru Zerbitzuak hala adierazita. 

ESKAERA

Udal Oinarrizko Gizarte Zerbitzuen bidez, aldez aurretik bazterkeria baloratuta. 
  

Aktibatzeko, enplegagarritasunerako eta gizarteratzeko eta laneratzeko programak

Gizarte-bazterkeriako egoeran eta bazterkerian dauden pertsonen gizarteratzea eta laneratzea bultzatzeko programak dira, ibilbide pertsonalizatuak eginez, gizarteratzeari eta laneratzeari buruzko diagnosi batekin eta gaitasunen ebaluazio batekin hasten direnak, enplegagarritasunerako aukeren txosten bat prestatzeko aukerarekin. Helburu horiekin, gizarteratzeko eta laneratzeko ingurunean modu autonomoan jardun ahal izateko beharrezkoak diren laguntza psikosozialak eta gaitasunak ematen dira. 

Hartzaileei eta sartzeko moduei buruzko informazio espezifikoa: gizarteratzebuzoia@gipuzkoa.eus helbidean begiratu, edo deitu 943 11 25 10 telefono-zenbakira. 

Zerbitzuak edo zentro okupazionalak

Ekoizpen-jarduera ardatz duten garapen sozial eta pertsonalerako programak, pertsonen lan eta gizarte arloko garapena ahalbidetzeko xedez. 

HELBURUAK

  • Autonomia pertsonala eta laneratzea eta gizarteratzea garatzeko beharrezkoak diren trebetasunak eskuratu eta hobetzea. 
  • Garapen pertsonala. 
  • Autonomia-maila mantentzea, narriatzea prebenitzea eta, hala badagokio, gaitasunak eta trebetasunak (kognitiboak, funtzionalak, sozialak, etab.) berreskuratzea. 

HARTZAILEAK

Gizarte-bazterkeriako egoeran dauden pertsonei zuzenduta dago.

ESKAERAK

Udal Oinarrizko Gizarte Zerbitzuen bidez. 

 

Eguneko zerbitzuak edo zentroak

Gizarteratzera bideratutako zerbitzu balioaniztuna, erabiltzaileak beren ohiko ingurunetik ez bereizteko ahalegina eginez, eta beren gizarteratze-ibilbidean akonpainamendu indibidualizatua eskainiz. 

Esku-hartze okupazionalak, hezkuntza eta psikosozialak, eta errehabilitaziokoak barne hartzen ditu. 

HELBURUAK

  • Trebetasun pertsonalak eta harremanekoak garatzea. 
  • Modu autonomoan jardutea eta gizarteratzea ahalbidetzea. 

TIPOLOGIA

  • Izaera okupazionaleko eta lanean hasi aurreko zerbitzuak. 
  • Gizarteratzeko eta komunitatean txertatzeko zerbitzuak. 
  • Droga-mendekotasunak dituzten pertsonentzako eguneko arreta-zerbitzuak. 

HARTZAILEAK

  • Gizarte-bazterkeriako egoeran dauden pertsonak, dagokion balorazioa egin ostean Foru Zerbitzuak hala adierazita. 
  • Gizarte-bazterkeriako egoeran dauden pertsonak, Gizarte Bazterkeria Baloratzeko Tresna Teknikoak araututako baldintzetan, Foru Zerbitzuak hala adierazita. 

Eskaera

Udal Oinarrizko Gizarte Zerbitzuen bidez, aldez aurretik bazterkeria-egoera baloratuta. 

Gizarteratzeko Egoitza Zerbitzuak

Gizarte-bazterkeriako egoeran egonik, gabezia psikosozial larriak dituzten pertsonei lagundutako alojamendu-zerbitzu bat eskaintzeko alojamendu kolektiboak dira, izaera instituzionalekoak. 

Gizarteratze-prozesuen garapenera bideratzen dira, osokoa eta indibidualizatua den ikuspegi batetik abiatuz.  

HELBURUAK

  • Beren autonomia garatzea. 
  • Bizitza independenteko proiektuak bultzatzea. 
  • Gizarteratzea eta laneratzea ahalbidetzea. 

HARTZAILEAK

Gizarte-bazterkeriako egoeran dauden pertsonak, dagokion balorazioa egin ostean Foru Zerbitzuak hala adierazita. 

TIPOLOGIA

  • Bazterkeria-egoera kronifikatuta duten pertsonentzako bizitegi-zerbitzuak
  • Gizarteratzen laguntzeko etxebizitzak
  • Gizarteratzeko egoitza-zentroak
  • Bazterkeriaren balorazioa eta diagnosi espezializatua egiteko egoitza-zentroa
  • Droga-mendekotasunak dituzten edota mendekotasuna gainditzeko prozesuan dauden pertsonentzako egoitza-zentroak. 

ESKAERA

Udal Oinarrizko Gizarte Zerbitzuen bidez, aldez aurretik bazterkeria baloratuta.   

Gaueko Harrera Zentroa

Gaua igarotzeko eta oinarrizko premiak estaltzeko gunea da, bazterkeria-egoeran egonik, lehen mailako gaueko harrera-zerbitzuetan artatu ezin diren pertsonei zuzendua, kalteak arintzeko ikuspegi batekin eta, ahal den heinean, beren bizi-kalitatea hobetzeko helburuarekin. 

HARTZAILEAK

Sarbide zuzena, aurretiko preskripzio teknikoarekin. 
  

ESKAERA

Udal Gizarte Zerbitzuen bidez.  
  


Informazio gehiago aurkituko duzu ohiko galderen atalean.


Gizarte Larrialdien Koordinazioko Foru Zerbitzua 

Gipuzkoan gertatzen diren gizarte-larrialdiko egoerei berehala erantzuteko zerbitzua, udaletako gizarte-zerbitzuek arreta emateko duten ordutegitik kanpo gizarte-zerbitzuak eskuratzeko aukera ematen duena. 

Zer da gizarte-larrialdi bat? 

Gerora sortutako edo aurreikusi gabeko egoerak, pertsonak zaurgarritasun handiko, segurtasunik ezeko, abandonuko edo babesgabetasuneko egoeran jar ditzaketenak, eta, beraz, gizarte-zerbitzuen berehalako esku-hartzea behar dutenak, egoera larriagotu ez dadin eta kalte handiagorik eragin ez dezan. 

Egon daitezkeen egoerak 

  • Erasoak, tratu txarrak eta antzeko beste egoera batzuk, indarkeria matxistatzat, genero-indarkeriatzat edo familia barruko indarkeriatzat hartzen direnak. 

  • Autozainketarako gaitasunik ez duen eta laguntzarik ez duen adingabea edo adinekoa abandonatzea zaintzailerik ez dagoelako. 

  • Bide publikoan galduta edo desorientatuta dauden helduak. 

  • Etxerik gabeko pertsonengan eragina duten premiazko edo ezohiko egoerak 
  • Istripuak, suteak, uholdeak edo beste ezbehar batzuk direla-eta, arreta psikosoziala edo gizarte-zerbitzuetara premiaz iristea eskatzen duten salbuespenezko egoerak. 

Nola jartzen da abian eta nork? 

Aipatutako edozein egoera pairatzen ari den edonork (gizarte-zerbitzuetako profesionala, larrialdietakoa, osasunekoa, segurtasunekoa eta herritarra oro har) edo egoera horietako edozein pairatzen ari diren pertsonekin dagoen edonork. 

Deitu hona

943 224 411

Astelehenetik Ostiralera 8:00-22:00

Idatzi hona:

sfus@gipuzkoa.eus

Deitu hona

112

Astelehenetik ostiralera 22:00-8:00


Zerikusia duten webguneak: 

Gipuzkoan gizarte arloko zerbitzuen eta premien inguruko errealitatea hedatu eta aztertzeko espazioa. 

Gizarte-berrikuntza arloko proiektu nabarmenak 

Zaintza Herri Lab 

Zaintza Herri Labek zaintzen tokiko ekosistemak indartzen ditu, gehiago pertsonalizatutako erantzunak, gehiago koordinatuak eta komunitarioagoak bultzatu asmoz. Udalerri bakoitzeko gizarte-, osasun- eta komunitate-zerbitzuak elkarlotzen ditu, pertsonen zaintza hobetzeko. 


 

Herritarren arreta

Telefono bidezko arreta-ordutegia, astelehenetik ostiralera 08:00 - 15:00

943 11 21 11

Egoitza nagusia:

Astelehenetik ostiralera: 08:30 - 14:00 Txara II. Zarategi pasealekua, 99. 20015, Donostia

Bulegora joateko, beharrezkoa da aldez aurretik hitzordua eskatzea  (943 11 21 11)

Kontaktua