Zainketa eta Gizarte Politiketako Departamentuak, zuzenean eta zeharka, Gipuzkoan garatzen diren hainbat gizarte-ekimen bultzatzen eta laguntzen ditu. Jarraian, herritarren erabilgarri dauden zerbitzu eta baliabide nagusiak deskribatzen dira. 

Norentzat:

6 emaitza aurkitu dira

Nazioarteko adopzioa

Nori zuzenduta:

  • Harrera eta adopzio familiak

Nazioarteko adopzioan, espedientea jatorrizko herrialdeko agintaritzen aurrean izapidetzen da, Nazioarteko Adopziorako Erakunde Laguntzaile (NAEL) baten bitartekotzarekin, edo gabe. Esleipena herrialde horretan eskumena duen agintaritzari dagokio, eta adopzioa atzerriko herrialdeko araudian ezarritako prozedurari jarraikiz gauzatzen da.  

Nazioarteko adopzioan, adopzioaren osteko jarraipena egingo da, eta hori atzerriko herrialdeko araudian kasu bakoitzerako ezartzen den aldizkakotasunez egingo da. Adopzio-prozesua NAEL baten bitartekaritzarekin izapidetu bada, erakunde horrek egingo ditu adopzioaren osteko jarraipen-txostenak. Bestela, Foru Aldundiak egingo ditu txostenak. 

Harrera-familientzako laguntza

Nori zuzenduta:

  • Harrera eta adopzio familiak

Familia-harrerei jarraipen tekniko espezializatua egiten zaie, etengabeko prestakuntza ematen zaie, laguntza psikologia eskaintzen zaie, krisi-egoeretan arreta eskaintzen zaie eta gastu ohikoak zein ezohikoak estaltzeko laguntza ekonomikoak ematen zaizkie. 

Adopzio nazionala

Nori zuzenduta:

  • Harrera eta adopzio familiak

Adopzio nazionalean, Gipuzkoako Foru Aldundiak egiten du esleipena egokitzat jotako familien artean. Foru Aldundiaren tutoretzapean dauden haurren adopzioaz Donostiako Familia Epaitegia arduratzen da, espediente judizial batekin. 

Adopzio legez eratu ondotik, adopzioaren osteko jarraipena egiten da. Jarraipen hori adopzioa eratu eta hurrengo bi urteetan egingo da gutxienez, eta Foru Aldundiak dagozkion txostenak egingo ditu. 
    

Adopzioaren osteko zerbitzua

Nori zuzenduta:

  • Harrera eta adopzio familiak

Adopzioaren osterako laguntza- eta orientazio-zerbitzua da, Gipuzkoako adopzio-familiei edo adoptatutako pertsonei zuzendua, erabili nahiko balute. Zerbitzu horren helburua da adopzioarekin zuzenean lotutako zalantzak eta zailtasunak ebazten laguntzea. Horiek sortu daitezke: 

  • Familietan, behin adopzioa formulatu ondoren. 
  • Adopzioan hartutako pertsonengan, urteen poderioz. 

Laguntza-programa hori adopzio gaietan espezializatutako terapeutek ematen dute. Doako zerbitzua da, eta indibidualizatua. 

Familia Harrera espezializatua

Nori zuzenduta:

  • Harrera eta adopzio familiak

Premia bereziak dituzten haur eta nerabeei zuzendua. Harrera-familiako kide batek, gutxienez, prestakuntza eta esperientzia espezifikoak izan behar ditu, eta bere dedikazio profesionalaren truke konpentsazio ekonomikoa jasotzen du. 


Betekizunak: 

  • Unibertsitate-titulua edo prestakuntza espezifikoa gizarte hezkuntzaren, osasunaren edo gizartearen alorretan. 
  • Gutxienez bi urteko esperientzia adin txikikoen arretan, zaintzan edo babesean. 
  • Harrera-haur edo -nerabeen profilaren araberako prestakuntza osagarria. 
  • Arreta eta lantalde profesionalarekin lan koordinatua egitea bermatzeko prestutasuna. 
  • Bilkuretan eta programaren jarraipen teknikoan parte hartzea. 
        

Familia Harrera borondatezkoa

Nori zuzenduta:

  • Harrera eta adopzio familiak

Modu altruistan egiten dute adin txikiko pertsonaren zaintzaz arduratzen diren pertsonek edo familiekin, laguntza profesional eta ekonomikoekin. 

  • Betekizunak: Harrera-familia izan daiteke horretarako prest agertzen den edozein pertsona edo familia, baldin eta, dagokion balorazio-prozesuan parte hartu ondoren, hautatutako borondatezko famili-harrerako modalitaterako onarpena jasotzen badu.  

 

Zaintza eta Gizarte Politiketako Sailak kudeatzen dituen zerbitzu eta prestazioetarako sarbidea ZURE UDALEKO Gizarte Zerbitzuen bitartez egiten da. Eskaerak dagokion udalari bidali beharko zaizkio.

1.

Gerturatu zure udalera

Jarri harremanetan zure udaleko Gizarte Zerbitzuekin eta azaldu zein den zure egoera.

2.

Aurkeztu eskatzen dizkizuten agiri eta datuak 

Eskatu nahi duzun prestazio, laguntza edo zerbitzuaren arabera, zer informazio, dokumentu, txosten, ziurtagiri eta abar aurkeztu behar dituzun adieraziko dizu udalak.

3.

Ebazpena jaso

Udaleko eta Foru Aldundiko gizarte-zerbitzuek zure kasua aztertuko dute, eta ahalik eta azkarren erantzungo dizute. Erantzuna baiezkoa bada, eman beharreko hurrengo urratsak zeintzuk diren azalduko dizkizute.

 

Herritarren arreta

Telefono bidezko arreta-ordutegia, astelehenetik ostiralera 08:00 - 15:00

943 11 21 11

Egoitza nagusia:

Astelehenetik ostiralera: 08:30 - 14:00 Txara II. Zarategi pasealekua, 99. 20015, Donostia

Bulegora joateko, beharrezkoa da aldez aurretik hitzordua eskatzea  (943 11 21 11)

Kontaktua