695 pertsona artatu dira 2020ko martxotik hona Gipuzkoako COVID-19 erreferentzia-zentroetan
695 pertsona artatu dira 2020ko martxotik hona Gipuzkoako COVID-19 erreferentzia-zentroetan
Aste honetatik aurrera, kasu positiboen zaintzarako prest dauden 106 plazetatik 24 bere horretan mantenduko ditu Aldundiak; beste 24, plaza soziosanitario bihurtuko dira eta 58, berriz, aldi baterako egonaldietarako bideratuko dira
Joan den urteko martxotik, Gipuzkoako Foru Aldundiak hiru zentro sozial gaitu ditu egoitzetatik eratorritako COVID-19 kasuei erantzuteko: Gurutze Gorria Donostian, Torrekua Eibarko Ospitalean eta San Jose Ordizian. Ordutik, 695 pertsona artatu dira, gehienak adinekoen egoitzetako erabiltzaileak, hiru baliabide espezializatu horietan: 89 Gurutze Gorrian, 2020ko martxotik maiatzera bitartean; 411 Torrekuan, 2020ko ekainetik 2021eko martxora arte; eta 195 San Josen, 2020ko irailetik 2021eko martxora arte.
Gipuzkoako diputatu nagusiak, Markel Olanok, Eibarko Ospitaleko Torrekua gunean prestatutako bi unitateetako bat bisitatu du gaur, Maite Peña Gizarte politiketako diputatuarekin batera. Bertan, Eibarko ospitalean arreta eskaintzen duten Aita Menniko profesionalekin, nahiz Kabiako arduradunekin –Ordiziako zentroaren arretaz arduratzen dira– elkartu da.
Olanok, gaixotasunaren ondorioz Gipuzkoan hildako 322 adineko pertsonen familiei "gertutasun eta elkartasun osoa" emateaz gain, Aita Menni eta Kabiari "aitortza" egin die pandemiaren aurrean lehen lerroan egindako lanagatik, eta esker onezko hitz horiek lurraldeko egoitzetako langile guztiei zabaldu dizkie. "Birusaren ondorioei sare gisa aurre egin diegu, erakundeen eta hirugarren sektore sozialeko erakundeen artean indarrak batuz. Orain, txertoari eta prebentzio-lanari esker, egoitzetan eta gizarte-zerbitzuetan egoera hobera egin duenean, lankidetzan jarraitu behar dugu, momentuan momentuko egoerara egokitutako prebentzioa eta arreta bermatzeko ", azaldu du.
Diputatu nagusiak jakinarazi duenez, aste honetatik aurrera, Eibarko (48) eta Ordiziako (58) zentroetan COVID-19 kasuei erantzuteko gaitutako 106 plazetatik (gehienak egoitzetako erabiltzaileak) 24 Eibarren mantenduko dira, egoitzetatik etor daitezkeen balizko kasu positiboak artatzeko. Eibarko Ospitaleko bigarren unitatea –24 plaza, honetan ere–, beharrizan soziosanitarioak dituzten pertsonak hartzeko erabiliko da, COVID-19 pandemia agertu aurretik zerbitzu hori irekitzeko garaian aurreikusi bezala. Ordiziako San Jose zentroaren kasuan, bertan dauden 58 plazak, behin-behinean eta pandemiak irauten duen bitartean, ezinduta dauden adineko pertsonentzako aldi baterako egonaldietara bideratuko dira.
Olanok gogorarazi duenez, iazko martxoan pandemia hasi zenetik, COVID-19 erreferentziazko zentroak irekitzea "funtsezkoa" izan da osasun krisiari aurre egiteko: "Aitzindariak izan ginen gure inguruan mota horretako lehen zentroa irekitzen, eta ospitale-arretarik behar ez zuten pertsonak artatzeko oso baliagarria dela erakutsi du. Egoitzei ere hauspoa hartzeko aukera eman diete, kasu askotan birusa zentro barruan zabaltzea saihestu dutelako ".
Gipuzkoako diputatu nagusiak, Markel Olanok, Eibarko Ospitaleko Torrekua gunean prestatutako bi unitateetako bat bisitatu du gaur, Maite Peña Gizarte politiketako diputatuarekin batera. Bertan, Eibarko ospitalean arreta eskaintzen duten Aita Menniko profesionalekin, nahiz Kabiako arduradunekin –Ordiziako zentroaren arretaz arduratzen dira– elkartu da.
Olanok, gaixotasunaren ondorioz Gipuzkoan hildako 322 adineko pertsonen familiei "gertutasun eta elkartasun osoa" emateaz gain, Aita Menni eta Kabiari "aitortza" egin die pandemiaren aurrean lehen lerroan egindako lanagatik, eta esker onezko hitz horiek lurraldeko egoitzetako langile guztiei zabaldu dizkie. "Birusaren ondorioei sare gisa aurre egin diegu, erakundeen eta hirugarren sektore sozialeko erakundeen artean indarrak batuz. Orain, txertoari eta prebentzio-lanari esker, egoitzetan eta gizarte-zerbitzuetan egoera hobera egin duenean, lankidetzan jarraitu behar dugu, momentuan momentuko egoerara egokitutako prebentzioa eta arreta bermatzeko ", azaldu du.
Diputatu nagusiak jakinarazi duenez, aste honetatik aurrera, Eibarko (48) eta Ordiziako (58) zentroetan COVID-19 kasuei erantzuteko gaitutako 106 plazetatik (gehienak egoitzetako erabiltzaileak) 24 Eibarren mantenduko dira, egoitzetatik etor daitezkeen balizko kasu positiboak artatzeko. Eibarko Ospitaleko bigarren unitatea –24 plaza, honetan ere–, beharrizan soziosanitarioak dituzten pertsonak hartzeko erabiliko da, COVID-19 pandemia agertu aurretik zerbitzu hori irekitzeko garaian aurreikusi bezala. Ordiziako San Jose zentroaren kasuan, bertan dauden 58 plazak, behin-behinean eta pandemiak irauten duen bitartean, ezinduta dauden adineko pertsonentzako aldi baterako egonaldietara bideratuko dira.
Olanok gogorarazi duenez, iazko martxoan pandemia hasi zenetik, COVID-19 erreferentziazko zentroak irekitzea "funtsezkoa" izan da osasun krisiari aurre egiteko: "Aitzindariak izan ginen gure inguruan mota horretako lehen zentroa irekitzen, eta ospitale-arretarik behar ez zuten pertsonak artatzeko oso baliagarria dela erakutsi du. Egoitzei ere hauspoa hartzeko aukera eman diete, kasu askotan birusa zentro barruan zabaltzea saihestu dutelako ".
1553