Ekitaldia

Zazpi gipuzkoar gazte hauek Sorginak taldean egin ziren ezagun, Kepa Junkerari lagun egin ziotenean. Bizitza guztian trikitiaren munduan errotuta, egungoagoak diren musikak edan dituzte, bien artean uztartze berezi bat sortu arte: aldi berean tradizionala eta berritzailea den proiektu bat, soinu organikoak teknologia berriekin nahasten dituena naturaltasunez. Aske, nahi dutena sortzen eta erakusten, trikiti tradizionalari elektronikaren eragina eman diote, ikus-entzuleak dantzarazteko helburuarekin.