Ekitaldia
Hitzaldia. Transhumanismo
2024/05/27 19:00 - 21:00
KM Kulturuneak eta Canal Europak antolatutako hitzaldia:
Transhumanismo
Teknologia berrien aplikazio zuzenaren bidez giza hobekuntza bilatzen
duen programa transhumanistaren barruan, bi bide nagusi aurkitzen
ditugu: batetik, biohobekuntza etengabea egiteko proposamena dago,
lehendabizi sendagai berrien bidez eta, aurrerago, gizakiaren
hobekuntza genetikoaz; bestetik, makinekin pixkanaka integratzeko
proposamena dago, hau da, ziborgizazio prozesua. Hasiera batean,
integrazio hori partziala eta aldi baterakoa izango litzateke, baina
erradikalenentzat azken helburua erabateko lotura litzateke, burua
makina batean iraultzea, alegia. Azken agertoki horren defendatzaileek
etorkizuneko adimen artifizialak gu deuseztatzea saihesteko modurik
onena dela uste dute. Horrek guztiak arazo garrantzitsuak dakartza, ez
bakarrik teknologiaren aukera aurreikusgarriei buruzko planteamendu
errealistetatik, baizik eta ikuspegi filosofiko eta etiko batetik.
Baina garrantzitsuena da dagoeneko funtzionatzen ari dela, garapen
teknologikoaren nolabaiteko ikuspegia legitimatzen duen eta
jarrera
deterministak sustatzen dituen ideologia gisa.
Antonio Diéguez Malagako Unibertsitateko Logika eta Zientziaren Filosofiako katedraduna da. Hauek dira bere ikerketa ildoak: errealismo zientifikoa, biologiaren filosofia, teknologiaren filosofia, giza biohobekuntza eta transhumanismoa. Artikulu eta liburu askoren egilea da. Azken hauen artean, Transhumanismo. La búsqueda tecnológica del mejoramiento humano (2017), Cuerpos inadecuados (2021) eta La ciencia en cuestión (2024).
Eva Monente Informazioaren zientzietan lizentziatua, kazetaria da eta duela 10 urtetik Gipuzkoako Cadena SER kateko albistegietako burua. Hoy por hoy San Sebastián programa gidatzen du. Bere ibilbide profesionalean Expansión egunkariarekin edo Colpisa albiste agentziarekin lankidetzan aritu da. Hiru urtez, Eusko Jaurlaritzako Justizia, Lan eta Gizarte Segurtasun Saileko prentsako burua izan zen.
Partaideak: Antonio Diéguez; Eva Monente
(Hizkuntza: gaztelania)
![](https://www.gipuzkoa.eus/documents/40969048/45266650/CanalEuropa.png/e07f7f2f-eff2-e335-ad6e-adbd718268d8?t=1718617950981)
Areto nagusia
Donostia
Agenda KMK