Ekitaldia

Sara Azurza musikagile eta abeslaria azken lanarekin datorkigu Probalekura. Bederatzi abestiz osatuta, bizitzako ziklo emozionalaz dihardu eta mota desberdinetako barne emozio eta sentimenduei zuzendutako lana da. Estiloari dagokionez pop, soul, funky eta elektronikarekin jolasten du. Musikari apartak ditu Azurzak bidelagun, gainera, eta Aiako Probalekua laukote honen estilo berezi, freskotasun eta kalitatearen agertokia izango da ekainaren 1ean.