Ogi-apurra

Eduki publikatzailea

‘Gipuzkoan Eginak’ sailaren seigarren kapituluak Bergarako industriaren iragana, oraina eta etorkizuna aztertzen ditu

‘Gipuzkoan Eginak’ sailaren seigarren kapituluak Bergarako industriaren iragana, oraina eta etorkizuna aztertzen ditu

Ikus-entzunezkoa abenduaren 13an estreinatuko da 19:00etan Seminarixoan

Foto ‘Gipuzkoan Eginak’...

‘Gipuzkoan Eginak’ ikus-entzunezko sailaren seigarren kapitulua Bergarara iritsiko da, Debagoiena eskualdean, kooperatibismoari estu lotutako eskualdean. Ikus-entzunezkoak Bergarako industriaren iragana, oraina eta etorkizuna aztertzen ditu, herriko hainbat enpresaren testigantzaren ondotik, Bergarako izaera, identitate soziala, hiritarra eta ekonomikoa tankeratzen lagundu dutenak.

Gipuzkoak baditu enpresa asko apustu egiten dutenak, krisi globaleko testuinguru batean, berrikuntzaren eta nazioartekotzearen alde, eta lortu dutenak beren enpresa-jarduerei norabide berri bat ematea. Azken urteotan, oso aldaketa sakonak gertatu dira gizarteko arlo guztietan, eta industria ez da salbuespena izan. “Gure enpresa-ehunak beharrezkoa du etorkizunak jotzen dizkien erronkei aurre egitea; enpresek gaitasuna izan behar dute 4.0 industrian lehiatzeko eta dibertsifikatzeko, beren nazioartekotzea eta lankidetza indartuz, eta era berean, kalitatezko enplegua bultzatuz eta langileak beren enpresa-proiektuaren parte bihurtuz”, azaldu du Ainhoa Aizpuruk, Ekonomia Sustapeneko, Landa Inguruneko eta Lurralde Orekako diputatuak.

‘Gipuzkoan Eginak’ ekimenaren bidez, Gipuzkoako Foru Aldundiak azpimarratu nahi du Gipuzkoako gizarteak belaunaldiz belaunaldi erakutsi duen gaitasuna, baita ezagutzaren alde egiten dituzten ahaleginak eta apustuak ere. “Gipuzkoako gizon-emakumeek funtsezko lana egin dute gure ekonomiaren garapenean, eta egindako ahaleginagatik haiek merezi dute erakundeen aitorpen publikoa. Gure lurraldeak duen balio garrantzitsuena dira, eta Foru Aldunditik lan hori aitortzen eta sustatzen jarraitu nahi dugu”, adierazi du Ainhoa Aizpuruk.

Ikus-entzunezkoak Bergarako industriaren iragana, oraina eta geroa aztertzen ditu, herrian sakon errotutako zenbait enpresaren eskutik: Lazpiur, 100 urte baina gehiagoz herriko industriari lotuta dagoena, eraikuntza mekanikoetara dedikatua, eta tresneria-forjaketan eta makinarian espezializatua; TTT Taldea, 50 urtetik gorako esperientziarekin, tratamendu termiko industrialetan aritzen dena; eta Adom, Erreka Taldearen parte dena, eta espazioak eta etxebizitzak egokitzen dituena irisgarri izan daitezen. Hori dena jasotzen du ‘Gipuzkoan Eginak’ ikus-entzunezko sailaren seigarren kapituluak, Seminarixoan proiektatuko dena datorren ostegunean, abenduak 13, 19:00etan. Ikus-entzunezkoaren proiekzioaren ondorengo solasaldian, bideoko protagonistek hartuko dute parte, baita Bergarako aldaketa den Elena Letek eta Gipuzkoako diputatu nagusi den Markel Olanok.

Sarrera librea eta doakoa izango da, baina asistentzia baieztatu beharra da, posta elektroniko bidez bidez edo telefonoz: gipuzkoaneginak@gipuzkoa.eus, 943 21 51 77.
  

550