Menu nagusira joan Eduki nagusira joan
Atzealdea

Aldundiak aurrera egiten du kirola egiteko aukera berdintasunaren aldeko apustuarekin, egungo egoera gorabehera, eta, horretarako, 1,7 milioi euroko laguntzak onartu ditu

Foto Aldundiak aurrera egiten du kirola egiteko aukera berdintasunaren aldeko apustuarekin, egungo egoera gorabehera, eta, horretarako, 1,7 milioi euroko laguntzak onartu ditu

Aldundiak aurrera egiten du kirola egiteko aukera berdintasunaren aldeko apustuarekin, egungo egoera gorabehera, eta, horretarako, 1,7 milioi euroko laguntzak onartu ditu

Laguntza horiek klubentzat, udalentzat eta beste elkarte batzuentzat dira, Gipuzkoan jarduera fisikoa sustatzeko, gure lurraldean kirolaren prestakuntza eta sustapena indartzeko, eta kirola egiteko pertsona guztien aukera berdintasuna bermatzeko.

Aldundiak aurrera egiten du kirola egiteko aukera berdintasunaren aldeko apustuarekin, egungo egoera gorabehera, eta, horretarako, 1,7 milioi euroko laguntzak onartu ditu

Gipuzkoako Foru Aldundiak hainbat laguntza onartu ditu gure lurraldean kirola egitea sustatzeko. Dirulaguntza desberdinen lerroen deialdia 1.768.695,30 eurokoa da, honela sailkatuta: 930.000,00 euro toki erakundeentzako, 951.000 euro klubentzako eta 309.000,00 euro bestelako dirulaguntza lerroei zuzenduta;  horrela, eutsi egiten zaio gure lurraldeko kirol praktikaren sustapenaren aldeko apustuari eta aukera ematen zaie Gipuzkoako herritar guztiei jarduera fisikoa egiteko, bereziki eskola adinean.

 

Harkaitz Millán Kultura eta Kiroleko diputatuak adierazi duenez, "COVID-19ak gaur egun sortu duen egoeratik harago, gure asmoa da Gipuzkoan egunetik egunera kirol gehiago egitea eta hobeto praktikatzea, eta, beraz, kirolak Gipuzkoako herritarren DNAren parte izaten jarraitzea. Horregatik, 1,7 milioi euroko laguntza horiek garrantzitsuak dira, gure apustuari eusten diotelako eta balio izango dutelako, halaber, jarduera fisikoa sustatzeko eta kirolaren sustapena eta prestakuntza bultzatzeko tresnak klubei eta toki erakundeei emateko, batez ere txikienen artean».

 

Laguntza horien helburua da kirol arloko dirulaguntzak ematea toki erakundeei, kirol elkarte eta entitateei, eta herritar aktiboen alde lan egiten duten ikastetxeei, jarduera fisikoa erregulartasunez egitea sustatuz, jarduera fisikoa egiten duten pertsonen kopurua eta maiztasuna handitzeko, batez ere kolektibo ahulei dagokienez.

 

Laguntza horietan sartzen dira, besteak beste, eskola kirolera bideratutako partidak, bai eta desgaitasunen bat duten kirolarien jardueretara bideratutako beste batzuk ere; horrela, herritar guztiek berdintasunez parte har dezaten bermatu nahi da. Eragina dute, beraz, kirola guztientzat sustatzeari dagokion eskumenean eta eskola kiroleko programa garatu eta gauzatzeari dagokion eskumenean.