Ogi-apurra

Eduki publikatzailea

Atzealdea Azahara Domínguezek Lurraldebusi atxikitako flota aurreratuaren mantentze-lanetan izandako aurrerapenen berri eman du Batzar Nagusietan

Azahara Domínguezek Lurraldebusi atxikitako flota aurreratuaren mantentze-lanetan izandako aurrerapenen berri eman du Batzar Nagusietan

Azahara Dominguez Mugikortasuneko, Turismoko eta Lurralde Antolaketako foru diputatuak Gipuzkoako Batzar Nagusietan eman du, EH Bildu batzar-taldearen interpelazio bati erantzunez, Lurraldebusi atxikitako Avanza flotaren mantentzearekin lotutako gaietan gaur egun egin diren aurrerapenen berri.

2023/09/20
Azahara Domínguez JJGG Avanza sept 2023

Azahara Domínguez, Mugikortasuneko diputatua: "Mugikortasuneko, Turismoko eta Lurralde Antolaketako Departamentuak epeari lotutako jarduera zehatzak eskatu ditu, modu esponentzialean handitu dute mantentze-lanen kontrola denbora errealean, kontratuaren edozein ez-betetze eta, ondorioz, zerbitzuaren kalitatean eragina izan dezaketen gaiak detektatzeko gai izateko. Sail honek kontrol horrekin jarraitu nahi du, eta, beharrezkoa denean, zehapena ezartzea emakidarekin zerikusia duten gaietan. Datuek jaitsiera nabarmena ematen dute, sailak azken hilabeteetan egin duen kontrolaren ondorioz, eta bide horretan jarraitu nahi dugu".

Azahara Domínguez Mugikortasuneko, Turismoko eta Lurralde Antolaketako diputatuak Gipuzkoako Batzar Nagusietako Ganberaren aurrean azaldu ditu Lurraldebusen flotari atxikitako Avanza enpresa emakidadunaren autobusen mantentze-lanetan Sailak lortu dituen aurrerapenak.

Gertakarien lehen errepaso kronologikoa egin ondoren (besteak beste, uda honetan bertan uztailaren 5ean eta 21ean egindako bi errekerimendu), foru diputatuak Mugikortasuneko zuzendaritza berriak azken asteetan aplikatu dituen prozedurak zehaztu ditu. Jardunbide horien ondorioz, gutxitu egin dira erregistratutako gorabeherak, eta, Domínguezen hitzetan, "mantentze-lanen kontrol erreal handiagoa" egin da, kontratuaren edozein ez-betetze eta, ondorioz, zerbitzuaren kalitatean eragina izan dezaketen gaiak detektatzeko gai izateko. Sail honek kontrol horrekin jarraitu nahi du, eta, beharrezkoa denean, zehapena ezartzea emakidarekin zerikusia duten gaietan. Datuek jaitsiera nabarmena ematen dute, sailak azken hilabeteetan egin duen kontrolaren ondorioz, eta bide horretan jarraitu nahi dugu".

Ibilgailuen mantentze-lanen gaineko foru-kontroleko mekanismoak
Sailaren azken jarduketei esker, enpresa lankidetzan aritzea lortu da, foru-organoak "informaziorako sarbide zuzena izan dezan – azpimarratu du diputatuak –, erregistratzeko denborak laburtuz eta edozein unetan kontsultatzeko aukera emanez, gerta daitekeen edozein gairen aurrean".

Aplikatutako kontrol-mekanismoen artean, Azahara Domínguezek iragarri du gidariek gorabeherak jasotzeko sistema informatiko bat dutela, etengabeko eguneratze-prozesua ahalbidetzen duena. Gorabehera guztien kontrola, berriena zein konpondutakoena, bakoitza bere datarekin eta dagokion jarduketarekin. Era berean, gailuen berritzeak edo mantentze-lanak kontrolatzen dira.

Bestalde, irailaren 8an TPM gailuen flota osoan instalatu da, pneumatikoak egoera onean daudela bermatzeko. III. motako ibilgailu guztiei gurpil-aulkiak ere eman zaizkie irailaren 15ean.

Avanzak, irailaren 6an, azken urtean izandako gorabeherak zuzentzeko jarduketa-plan eguneratu bat aurkeztu zuen. Bertan, Donostian mantentze-tailer bat martxan jartzea aurreikusten da, "ohiko zerbitzua ematearen ondorioz sortzen diren konponketei aurre egiteko giza baliabide nahikoak izango dituena".

Kexa eta intzidentzien kopuruak behera egin du
Azahara Domínguezek bere hitzaldian zenbait datu azaldu ditu, berak gidatzen duen sailaren jardueren ondorio positiboak zenbakitan islatzen dituztenak. Hala, jasotako kexen kopuruak behera egin duela iragarri du: "2023ko maiatzean edo ekainean – baieztatu du – 131 eta 144 kexa erregistratu ziren, hurrenez hurren; abuztuan 97 izan ziren, eta daramagun iraileko egunetan, 48". Autobusen irisgarritasunari edo larrialdi- edo matxura-egoerei dagokienez, ez da inolako kexarik erregistratu.

Gidariek erregistratutako eta konpondu diren intzidentzia kopuruari dagokionez, apirilean 497 eta maiatzean 561 erregistratu ziren gertakarietatik, uztailean eta abuztuan erdira jaitsi ziren, 331 eta 279 gorabehera konponduta, hurrenez hurren. Aurtengo irailean, orain arte, 34 erregistratu dira guztira.

  

1037