Menu nagusira joan Eduki nagusira joan
Atzealdea

Gipuzkoak Naturaren eta Ingurumenaren Zinemaren lehen Erakusketaldia sustatu du, gure ingurune naturalarekin lotura areagotzeko

Foto Gipuzkoak Naturaren eta Ingurumenaren Zinemaren lehen Erakusketaldia sustatu du, gure ingurune naturalarekin lotura areagotzeko

Gipuzkoak Naturaren eta Ingurumenaren Zinemaren lehen Erakusketaldia sustatu du, gure ingurune naturalarekin lotura areagotzeko

Gipuzkoako Foru Aldundiko Ingurumeneko Departamentuak Gipuzkoako Natura eta Ingurumen Zinemaren I. Erakustaldia aurkeztu du. Apirilaren 13tik 23ra izango da, Gipuzkoako zortzi udalerritan.

Gipuzkoak Naturaren eta Ingurumenaren Zinemaren lehen Erakusketaldia sustatu du, gure ingurune naturalarekin lotura areagotzeko

Gipuzkoak Naturaren eta Ingurumenaren Zinemaren lehen Erakusketaldia sustatu du, gure ingurune naturalarekin lotura areagotzeko

José Ignacio Asensio: “Zinema-erakustaldi honek meditaziora, errealitatearen kontzientzia hartzera, nor garen eta gure ingurunearekin nola erlazionatzen garen hausnartzera gonbidatzen gaitu”.

Harkaitz Millan: “Kultura Departamentuak Naturaldia proiektuari lagundu nahi dio, kasu honetan, ikus-entzunezkoa sentsibilizazio- eta dibulgazio-tresna indartsua baita.

Gipuzkoako Foru Aldundiko Ingurumeneko Departamentuak Gipuzkoako Natura eta Ingurumen Zinemaren I. Erakustaldia aurkeztu du. Apirilaren 13tik 23ra izango da, Gipuzkoako zortzi udalerritan. Gipuzkoa Naturaldiaren parte da Gnat Zinema. Jende guztiarentzako ekitaldi eta baliabide-programa da, naturarekiko eta, bereziki, Gipuzkoarekiko lotura bultzatzeko.

Zinema Erakusketa honen helburua gertuen dagoen naturaren kalitatearen dibulgazioa da, pertsonok naturarekin ditugun harremanetan sakonduz eta gizarteek naturarekin erlazionatzeko dituzten formak ezagutuz: natura gizateriaren kulturan, naturan dugun aztarna, pertsonen eta animalien arteko lotura, haurrak eta natura.

Gnat Zinema egoitza izango duten Gipuzkoako zortzi udalerriak Azpeitia, Deba, Donostia, Eibar, Errenteria, Oñati, Tolosa eta Zumaia izango dira. Egoitza horietan, naturarekin lotutako 10 film proiektatuko dira: Dehesa, Mountain, Artifishal, The Wild Thing, Los Plástico, Out Of Plastic, Natura Bizia, The Sacred Place Were Life Begins, Burbunak eta Etsayak y David Attenborough: Una Vida en Nuestro Planeta.

José Ignacio Asensio Ingurumeneko diputatuak adierazi duenez, “Gnat Zinema proiektu irekia da, naturaren alde bat egin behar duela uste duen ororentzat, bai naturaren defentsatik, bai sorkuntzaren dibulgaziotik”. Era berean, Asensiok azpimarratu du “Zinema Erakustaldi honek meditaziora, errealitatearen kontzientzia hartzera, nor garen eta gure ingurunearekin nola erlazionatzen garen hausnartzera gonbidatzen gaitu”.

Gipuzkoako Natura eta Ingurumen Zinemaren I. Erakusketa honetan Harkaitz Millan Kultura diputatuaek ere parte hartuko du “Kultura Departamentuak Naturaldia proiektuari lagundu nahi dio, kasu honetan, ikus-entzunezkoa sentsibilizazio- eta dibulgazio-tresna indartsua baita. Ingurumena eta jasangarritasuna errespetatzea zeharkako helburua da, eta bat gatoz horrekin”. Lankidetza horretan, irabazleak hautatzeko prozesuan parte hartuko du kultura departamentuak, saritutakoen berri emango da KMK Elkarrizketetan, eta saria emango da, gero lana sortzeko eta zabaltzeko.

 

 

 

 

 

Laburmetraien lehiaketa

Honez gain, Gipuzkoako gazte eta helduentzako lehiaketa bat egingo da GNAT Zinema ekimenaren baitan, eta bi kategoria izango ditu. Lehenengo kategorian, Gipuzkoako ikastetxeetako DBHko ikasleek hartuko dute parte. Hurbilen dugun naturarekin dugun harremanari buruzko 3-5 minutuko metraje laburreko film bat egin beharko dute. Proposamenak Maiatzaren 7ra arte jasoko dira eta lehiaketa irabazten duen laburmetraia ekainean egingo den sari-banaketan ezagutuko da. Sari gisa, saritutako film laburra Naturaren eta Ingurumenaren Zinemaren Bigarren Erakusketan emango da 2022an. Era berean, lehiaketan parte hartzen duten guztiek Gipuzkoako Foru Aldundiko Ingurumeneko Zuzendaritzaren opari-sorta bana jasoko dute. José Ignacio Asensio Ingurumeneko diputatuak, Ingurumeneko Zuzendaritzako eta Donostiako Zinemaldiko ordezkariek osatuko dute epaimahaia.

Bestalde, lehiaketaren bigarren kategoria 18 urtetik gorako helduentzat izango da. Egin beharreko lana berdina izango da, 3-5 minutuko film laburra, gure inguruko naturaren ikus-entzunezko esentzia islatzen duena.  Saria 6000 euro dirutan izango da, saridunak naturari buruzko 15 eta 30 minutu bitarteko ikus-entzunezko bat garatu dezan . Saridunak garatuko duen ikus-entzunezko hau GnatZinema 2022 Natura eta Ingurumeneko Zinema Erakustaldian aurkeztu eta emango da. Kasu honetan, José Ignacio Asensio Ingurumeneko diputatuak, Edurne Pasaban alpinistak, Coro Odriozola Euskadiko Zinema Aretoen Elkarteko koordinatzaileak eta Donostia Kulturako Zine Unitateko eta Donostiako Zinemaldiko ordezkariek osatuko dute epaimahaia.