Gipuzkoako Foru Aldundiak Amaia Arregi Agirre izendatu du Ekonomia Sustapeneko zuzendari nagusi

Gipuzkoako Foru Aldundiak Amaia Arregi Agirre izendatu du Ekonomia Sustapeneko zuzendari nagusi gisa.

Amaia Arregi Deustuko Unibertsitatean Ekonomia Zuzenbidean lizentziatua da eta ISDE Law & Business Schoolen Nazioarteko Abokatutza masterra dauka. Bere ibilbide profesionala LKS Next Legal-en garatu du, non abokatu gisa jardun duen, batez ere zuzenbide sozietarioan, kooperatiboan eta eraberritze, bateratze eta eskuratze prozesuetan. Arlo juridiko-enpresarialean esperientzia sendoa du.

Izendapen honekin, Amaia Arregi Unai Andueza diputatuak zuzentzen duen departamentuaren zuzendaritza-taldean sartzen da, Koldo Peciña Proiektu Estrategikoetako zuzendari nagusiarekin eta Jon Gurrutxaga Berrikuntzako zuzendari nagusiarekin batera. Talde honek elkarlanean lan egiten du Gipuzkoaren etorkizuna eraikitzeko, lehiakortasuna indartuz, ekonomia berrituz eta eraldaketa iraunkor eta sakon baten bidean aurrera eginez.

Bere lehen adierazpenetan, Arregik esan du: "Gipuzkoaren garapen ekonomikoarekin konprometitutako talde bateko kide izateko ilusioz nator. Nire helburua enpresentzako ingurune egokia sortzen laguntzea da, berrikuntza sustatuko duena eta gure lurraldearentzat balio iraunkorra sortuko duten inbertsioak erakarriko dituena”.

Bere kargu berritik, Arregik garapen ekonomikoa bultzatzeko, enpresei laguntzeko eta inbertsio estrategikoak erakartzeko lan egingo du, departamentuaren lehentasunezko helburuak jarraituz.