Gipuzkoako Foru Aldundiak eta SOS Arrazakeriak Izan Harrera aurkeztu dute, gizarteratzeko mentoretza programaren seigarren edizioa

Gizarteratzea eta bizikidetza ardatz hartuta, gaur goizean Izan Harrera programaren seiga-rren edizioaren berri eman da, Gipuzkoako Foru Aldundiak eta SOS Arrazakeriak sustatutako mentoria sozialeko ekimena. Proiektuaren helburua da pertsona eta familia migratzaileei edo errefuxiatuei integrazio-prozesuan laguntzea, eguneroko bizitzako hainbat eremutan gertuko laguntza eskaintzen dieten boluntario autoktonoekiko loturaren bidez.

Agerraldian Eider Mendoza Gipuzkoako diputatu nagusiak, Ion Gambra Giza Eskubideen eta Kultura Demokratikoaren foru zuzendariak eta SOS Arrazakeriako Karlos Ordeñezek parte hartu dute, proiektuan partehartzaile diren Usoa eta Mohamedekin batera.

Eider Mendoza diputatu nagusiak adierazi duenez, Gipuzkoa "komunitate arduratsu eta so-lidarioa" da, eta azken urteotan gure lurraldera iritsi diren pertsona guztien "ongizate inte-grala sustatzeko" bokazioa duena. "Gero eta anitzagoa den Gipuzkoan, lanpostu duin ba-ten bidez gizarteratzen lagunduko duten laneratze-programak aktibatzeaz gain, Aldundiak giza eta gizarte-loturak sustatu nahi ditu, gure gizartearen izaera komunitarioa indartzeko, kasu honetan Izan Harreraren bitartez. Erakundeen, eragile sozialen eta ekonomikoen ar-teko lankidetza ere funtsezkoa da erronka partekatu honetan".

Bestalde, Ion Gambra Giza Eskubideen eta Kultura Demokratikoaren foru zuzendariak adi-erazi duenez, "Izan Harrerak gizarte gisa interpelatzen gaitu. Elkartasuna hurbiltasunetik, gi-zatiartasunetik gauzatzeko bide bat eskaintzen digu. Horregatik, horrelako ekimenetan parte hartzera gonbidatzen ditut herritarrak, bizitza indibidualak eraldatzeaz gain, gure bi-zikidetza demokratikoa indartzen baitute".

Karlos Ordoñez Sos Arrazakeriako ordezkariak azaldu duenez, Izan Harrera lurraldera iritsi berri diren pertsonen eta tokiko herritarren arteko loturak sortzeko asmoarekin sortu da, eta, horrela, konfiantzazko harremanak eraiki dira, eguneroko bizitzako funtsezko alderdiak ho-betzeko: hizkuntza ikastetik hasi eta lana edo bizitza bilatzeraino, baliabide komunitarioak eskuratzetik eta kide izatearen zentzua sendotzeraino".

Azken urtean, hainbat bikote mentore eta mentoradunek parte hartu dute programan, eta elkarrekin lan egin dute gizarteratze eta inplikazio komunitarioko prozesuetan aurrera egi-teko. SOS Arrazakeriak gizarte-mentoretzako berariazko prestakuntza ematen die bolunta-rioei, eta migratzaileekin edo errefuxiatuekin elkartzen dira, hizkuntza-kidetasunak, interes partekatuak eta kalitatezko harreman arina errazten duten beste aldagai batzuk kontuan hartuta. Gainera, jarraipen hurbila eta pertsonalizatua egiten da, kasu bakoitzaren beha-rren arabera.

Inpaktu eraldatzailea

Programaren emaitzen arabera, lagundutako pertsonen ongizate psikosoziala nabarmen hobetuko da. Horietako askok integratuago, autoestimu handiagoarekin eta beren bizi-proiektuak garatzeko konfiantza handiagoarekin sentitzen direla adierazten dute. Sare so-zialak zabaldu dituzte, inguruneari buruzko ezagutza hobetu dute eta autonomiaz molda-tzeko aukera gehiago izan dituzte, besteak beste, lanean, etxebizitzan edo aisialdian.

Bestalde, ekintza boluntarioak gizarte solidarioago, abegikorrago eta kohesionatuago ba-ten eraikuntzan Gipuzkoak duen zeregin aktiboa indartzen lagundu du.

Lankidetza-sare irekia eta bizia

Programak lurraldeko kultura, gizarte eta kirol-erakundeen talde zabal eta anitzaren lagun-tza du, hala nola Donostiako Zinemaldia, Kutxa Fundazioa, Aquarium, Topic, Real Sociedad Fundazioa, Gipuzkoa Basket Club, San Telmo Museoa, Ikusnahi turismo-enpresa edo Cristina Enea Fundazioa, besteak beste. Erakunde horiek baliabideak, sarrerak, jarduerak eta go-zatzeko eta elkartzeko espazioak eskaintzen dituzte.

Gainera, programak psikologo boluntarioen talde baten aholkularitza du, zalantzak sortzen direnean edo harremanetan laguntza profesional gehigarria behar denean aholkulariei la-guntzeko..

Bat egiteko gonbidapena

Gipuzkoako Foru Aldundiak eta SOS Arrazakeriak herritarrak gonbidatu dituzte Izan Harrera programan boluntario gisa parte hartzera. Informazio gehiago jaso nahi izanez gero, deitu 943 32 18 11 telefonora, idatzi izan.harrera@sosracismo.eus edo bisitatu www.sosracismogipuzkoa.org.