Zainketa eta Gizarte Politikak
Departamentua
Zainketa eta Gizarte Politiketako Departamentuak Gipuzkoako Foru Aldundiaren erantzukizun publikoari eustea du helburu. Hala, herritarren eskubideen bermean, pertsonen bizi kalitatearen hobekuntzan eta gizartearen kohesioan jarduten du, Gipuzkoako beste eragile batzuekin batera.
Gure lanak lau ildo nagusi ditu: haur eta nerabeen babesa, birgizarteratzea, indarkeria matxistaren biktimei zaintza eta dependentziari arreta. Ildo guztietan pertsona da ardatz, bai gure ekintzetan eta baita boluntariotzan ere, Gipuzkoan garrantzi handia duen horretan.
Aurrekontu partida
Zainketa eta Gizarte Politikak, 2026an , bere jardun estrategiko zein operatiborako, urteko aurrekontu hau izango du:
Aurrekontua
598.121.152 €
Exekutatua
% 5,54
Maite Peña
Zainketa eta Gizarte Politiketako Diputatua
Zuzenbidean lizentziatua eta lanbidez abokatua, 2015etik Gizarte Politikako diputatua naiz Gipuzkoako Foru Aldundian. Nire ibilbide profesionala oso lotuta egon da gizarte-zerbitzuekin eta bizitza politikoarekin, bereziki Errenteriako Udalean eta Gipuzkoako Batzar Nagusietan. Errenteriako Gizarte Zerbitzuetako, Errenteriako Jesusen Bihotza egoitzako patronatuko lehendakaria izan naiz eta, horrez gain, erakunde eta gizarte-zerbitzuei lotutako kontseilu desberdinetako kide ere banaiz.
Zuzendaritzak
Leire Calvo
Agendako, Berrikuntzako eta Ebaluazioko zuzendaria
Txaro Rodrigo
Mendekotasuna eta Desgaitasuna duten Personen Arretako zuzendaria
Arlo honek mendekotasuna duten pertsonentzako arreta egokia bermatzea du helburu, beharrak dituzten hiritarrei zerbitzua eskainiz.
Zuzendaritzaren webguneak
Iker Aldazabal
Plangintzako, Inbertsioetako, Ikuskapeneko eta Prestazio Ekonomikoetako zuzendaria
Zuzendaritza honen helburua da Gizarte Politikako zerbitzuen plangintza egitea, horientzako beharrezko inbertsioak definitzea eta prestazio ekonomikoak kudeatzea.
Belén Larrión
Haurren Babeseko, Gizarte Inklusioko eta Emakumeen Aurkako Indarkeria Matxistaren Arretako zuzendaria
Gure eginkizuna da babesik ez duten adingabekoen eta haurren babesa bermatzea, beharrezko zerbitzuen diseinu eta prestazioaren bidez.
Irune Galarraga
Zentroen Kudeaketa Integraleko zuzendaria
Zuzendaritza honen xedea da beste erakunde publikoekiko harreman estua izatea Gizarte Politiken zerbitzuak antolatzeko orduan.
Departamentuko aktualitatea
2026/02/16
Gaur egun, lurraldean 807 haur eta nerabe daude babes-neurrien pean, eta horietatik 67k harrera-familia bat behar dute, egonkortasuna eta zainketa konpontzailea emango diena, bereziki harrera espezializatuko familien sarearen baitan.
2026/02/12
Haur minbiziaren nazioarteko eguna eta XIII elkartasun ipar martxa
ASPANOGI - Adingabe Minbizidunen Familien Gipuzkoako elkartea da. Helburu nagusiena adingabe minbizidunaren eta bere familiaren bizi maila hobetzea da, gaixotasunaren berri ematen den unetik beraien beharrei erantzun bat emanaz. Gaixotasunaren prozesu guztian zehar eta ondoren, euskarria eta akonpainamendua ematen saiatzen gara. Gure urteko programaketa aurrera eramaten da Foru Aldundi Gorenaren Gizarte Politika departamenduak.ASPANOGI-rekin2019 lehen aldiz sinatutako hitzarmenari esker. Gaur egun hitzarmenak aurrera jarraitzen du. Donostiako Udalaren babesa eta diru laguntzak ere azpimarratzekoak dira.
2026/01/30
Hasiera batean Zaldibian kokatzea baloratu ondoren, azterketa teknikoak Lazkao zehaztu du egokiago Goierriko zentroaren kokaleku gisa. Gipuzkoako Foru Aldundiaren eta Lazkaoko Udalaren arteko akordioari esker, lurraldean sexu-indarkeriaren biktimei laguntza integrala emateko sarea indartuko da. Hariberriak arreta eskainiko du Gipuzkoako Gizarte Larrialdiak Koordinatzeko Foru Zerbitzuarekin (SFCUS) koordinatuta. 2024etik 178 biktima artatu ditu.