Menu nagusira joan Eduki nagusira joan
Atzealdea

Hondartzen Mahaiak baldintza sanitarioak eta zerbitzuak adostu ditu Gipuzkoako hondartza-denboraldirako

Foto Hondartzen Mahaiak baldintza sanitarioak eta zerbitzuak adostu ditu Gipuzkoako hondartza-denboraldirako

Hondartzen Mahaiak baldintza sanitarioak eta zerbitzuak adostu ditu Gipuzkoako hondartza-denboraldirako

Hondartzen denboraldia uztailaren 1ean hasiko da, adostutako zerbitzu guztiekin. Sorospen zerbitzua ekainaren 15etik aurrera bermatuko da.

Hondartzen Mahaiak baldintza sanitarioak eta zerbitzuak adostu ditu Gipuzkoako hondartza-denboraldirako

Gipuzkoako Foru Aldundiko Ingurumeneko Departamentuak kanpaina bat egingo du herritarrei hondartzak modu arduratsuan erabiltzeko arau eta neurrien berri emateko udalekin batera.

 

Gipuzkoako Foru Aldundiko Ingurumeneko Departamentuak Hondartzen Lurralde Mahaia telematika bidez bildu du gaur goizean, COVID-19 delakoak Gipuzkoan pandemia egoeran dauden hondartzak erabiltzeko jardunbide egokiak aztertzeko, Espainiako Gobernuko Osasun Ministerioaren Agindua ezagutu ondoren eta Eusko Jaurlaritzaren hondartzak ireki eta erabiltzeko osasun-irizpideak aztertu ondoren. Nabarmentzekoa da udal guztiek eta Gipuzkoako Foru Aldundiak bat egin dutela Gipuzkoako hondartzak irekitzeko eta eskaintzeko baldintzetan. Bilera horretan erabaki da Gipuzkoako Foru Aldundiko Ingurumeneko Departmentuak kanpaina bat abiaraziko duela herritarrei hondartzak modu arduratsuan erabiltzeko arau eta arretazko neurrien berri emateko udalekin batera. Horretarako, Departamentuak informazio bateratua aurkeztu du, eta hondartzetan banatuko da kartelen, megafoniaren edo beste baliabide batzuen bidez, baita komunikabideen, web orrien eta sare sozialen bidez ere.

 

José Ignacio Asensio Ingurumeneko diputatuak, Hondarribia, Orio, Zarautz, Getaria, Zumaia, Deba eta Mutrikuko udalerrietako alkateek eta Marisol Garmendia Donostiako Espazio Publikoetako zinegotziak hartu dute parte bilera horretan.


Dekalogo honek Gipuzkoako hondartzak COVID-19 aldean ongi erabiltzeko kontuan hartu beharreko neurri eta jarraibide batzuk biltzen ditu. Hondartzak modu arduratsuan erabiltzeko, gizartetik urruntzeko, ekipamenduei eta zerbitzuei buruzko eta garbiketa- eta desinfekzio-neurrien berri herritarrei emateko neurriak dira. Horien artean, honako hauek nabarmendu behar dira: hareatzetara joan aurretik, herritarrek COVID-19arekin bateragarriak diren sintomarik ez dutela ziurtatu behar dute, eta sintoma horiek izanez gero, ez dira hondartzara joan behar; inguruko bainu-eremu batera sartu aurretik, erabileraren, sarbidearen eta aforoaren berri izan behar dute; horrez gain, hondartzan egonaldi laburragoak planifikatu behar dituzte (2-3 ordu gehienez), pilaketak saihesteko eta beste herritar batzuek hondartzak erabil ditzaten.
 

Bainatzeko eremuetan errespetatu egin beharko dira sarbideen seinaleztapena eta haien goranzko eta beheranzko noranzkoak, eta errespetatu beharko dira, halaber, aforoak, eskuak garbitu eta desinfektatzea, ez dira toailak partekatuko, salbamendu eta sorospen zerbitzuen arauak eta gomendioak errespetatu beharko dira, ezin izango dira ur-iturriak erabili eta ez da gomendatzen haurren jolasguneak erabiltzea.

José Ignacio Asensio Ingurumeneko diputatuak gogorarazi duenez, “herritarren zeregin aktiboa eta arduratsua funtsezkoa da hondartzak eta bainurako eremuak ongi erabiltzeko. Soilik pandemiaren ondoriozko arriskuez sentsibilizatu eta informatutako herritarrekin, nork bere burua eta besteak babestea erabakitzen badu, osasun-gomendioei kasu egiten badie eta hondartza bakoitzean ezartzen diren erabilera-arauak errespetatzen baditu, transmisioa minimizatzea ahalbidetuko du”.

Ekipamenduei eta zerbitzuei dagokienez, aipatzekoa da kontaktu bidezko kutsadura-gune potentziala dela, eta, horregatik, behar-beharrezkoa dena bakarrik mantentzea eta desinfekzioa eta garbiketa muturreraino eramatea komeni dela. Horretarako, paperontziak garbitu eta desinfektatu egingo dira; hondartzako zerbitzuek emandako hamakak, toldoak eta itzalkinak eta abar kentzea gomendatzen da.

Instalazioak eta ekipamenduak garbitzeko eta desinfektatzeko neurri batzuk ere hartuko dira, eta langileak babesteko neurriak hartuko dira, protokolo bat ezarrita.