Kirolgi Fundazioak eta Rural Kutxaren gizarte ekintzak kirol talentua bultzatzeko bekak eman dituzte

Ekitaldian erreferentziako hiru kirolari olinpikok hartu dute parte, bekadunen amabitxi gisa: Maialen Chourraut, piraguismoko txapeldun olinpikoa Rio 2016n eta dominadun hirukoitza Joko Olinpikoetan; Naroa Agirre, olinpikoa, donostiarra eta pertika-jauziko estatuko errekorduna eta Maider Tellería, Bartzelonan 92n urrea lortu zuen belar-hockeyko Espainiako taldeko kidea. Haien presentziak esfortzuaren, konstantziaren eta nork bere mugak gainditzearen balioa sinbolizatu du, eta ezaugarri horiek inspiratzen dituzte Gipuzkoako kirolarien belaunaldi berriak.

Deialdiak 30.000 euroko zuzkidura izan du, eta Gipuzkoako 30 kirolari gazte izan dira onuradunak. Kirolari horiek kirol-merezimenduengatik eta prestakuntzarekiko konpromisoagatik hautatu dira. Kirolari bakoitzak 1.000 euro arteko laguntza jaso du, bi lerrotan bereizita: 500 euro kirol-merezimenduengatik eta 500 euro garapen akademikorako.

Kulturako eta Kiroletako diputatu eta Kirolgi Fundazioko presidente Goizane Álvarezek ekitaldian nabarmendu duenez, "Gipuzkoan benetan sinesten dugu kirola gizartea eraldatzeko, aukera-berdintasuna lortzeko eta garapen pertsonala lortzeko tresna dela. Beka hauen bidez, gure talentu gazteei laguntzen jarraituko dugu, aukera izan dezaten kirolari gisa hazteko, prestakuntza akademikoari uko egin gabe. Oreka hori funtsezkoa da ibilbide sendoak eta etorkizun bidezkoagoa eta ekitatiboagoa eraikitzeko Gipuzkoako gazteentzat".

Bestalde, Rural Kutxako Gizarte Ekintzako arduradun Javier Martínezek honako hau azpimarratu du: «Gipuzkoako oinarrizko kirolarekin konprometituta gaude, gure gizarte-ekintzaren funtsezko lerro gisa. Beka hauen bidez, gazteen prestakuntza osoa bultzatu nahi dugu, bai kirol mailan bai maila pertsonalean arrakastarako bidean lagunduz. Olinpismoaren balioak ere aldarrikatu behar ditugu, gure gizartean bakezko eta bizikidetzazko etorkizuna ziurtatzeko».

Edizio honetan, Gipuzkoako 30 kirolari gazte aintzatetsi dira, hamaika diziplina desberdinetakoak.

Atletismoan, hauek izan dira bekadunak: Joaquín Alonso Pasquini, Iker Arotzena Indo, John Cabang Tolentino, Imanol Egidazu de Diego eta Naroa Furundarena Urkola;
badmintonen: Ania Setien Erro; txirrindularitzan: Ander Albizu Urresti, Izaro Etxarri Aranburu eta Eñaut Urcaregui Sanz; neguko kiroletan: Markel Aristegui Wiereszen eta Iraia Ayestaran Segurola; belar-jockeyan: Jone Alba Antoñana eta Lucía Casado de la Fuente; igeriketan: Nahia Garrido Malvar, Asier Iguíñiz Porres eta Nahia Zudaire Borrezo; euskal pelotan: Unai Amiano Goñi eta Eñaut Urreisti Astigarraga;
piraguismoan: Asier Aizpurua Echave, Eider Amundarain Aguirre, Uxue Arsuaga Martiarena, Eider de Santos Larrañaga, Oier Díaz Etxebeste, Izar García Azkue, Nerea García Zabalegui, Ainara Goikoetxea Urbizu, Markel Imaz Hosteins, Alex Segura Miranda eta Haizea Segura Miranda; eta arraunean: Naroa Zubimendi Varela.

Kirol talentua bultzatzeko Rural Kutxa bekek, aurten ere, Gipuzkoako gazteen ahalegina, jarraitutasuna eta konpromisoa aitortu dituzte, ezaugarri horiek aukera-berdintasunaren, hezkuntzaren eta gizarte-kohesioaren aldeko apustua egiten duen kirol-ereduaren funtsezko zutabeak baitira.