Mugikortasuneko, Turismoko eta Lurralde Antolaketako diputatu Azahara Domínguezek Azpeitiako Loiola hotela bisitatu du, jasangarritasunarekiko eta bikaintasunarekiko konpromisoaren adibide

Mugikortasuneko, Turismoko eta Lurralde Antolaketako diputatua den Azahara Dominguezek Azpeitian dagoen Loiola hotela bisitatu du, bertako jabeak diren Olatz Azpiazu eta Manu Labakarekin batera. Familia-hotel honek hiru belaunaldi daramatza lanean turismo-fluxuak modu orekatuagoan bana daitezen eta Gipuzkoako barnealdera ere irits daitezen. Bertan, bi merkatu-nitxo garrantzitsuri erantzuten die, hala nola kirol- eta negozio-turismoari.
Bisitan, diputatuak hotelari lotutako familiaren historia eta egiten joan diren ibilbidea ezagutzeko aukera izan du, turismo jasangarriarekin konpromiso argia duen establezimendua bihurtu arte, non kalitatea eta bikaintasuna nabarmentzen diren.
Ildo horretan, Loiola Hotelak iraunkortasunaren aldeko apustu irmoa egin du, energia-eraginkortasuneko neurriak ezarriz eta ibilgailu elektrikoentzako kargagailuak instalatuz, esaterako. Gainera, hoteleko azpiegitura digitalak eguneratu ditu azken belaunaldiko wifia eta kalitate handiko telebistak erabiliz, bezeroei esperientzia modernoa eta erosoa eskainiz. Hori guztia ingurunearekiko eta tokiko ekonomiarekiko konpromisotik abiatuta; izan ere, bertako ekoizleak dira beren eskaintza gastronomikoaren oinarria, eta, gainera, aktiboki parte hartzen du ekitaldi ugari antolatzen, inguruko gizarte-ehunaren bizitasuna eta kohesioa bultzatuz.

Kirol- eta negozio-turismoa
Azpeitiaren beraren garapenarekin eta Urola Erdiaren eskualdearekin batera, Loiola Hotelak bi segmentu turistiko garrantzitsu aprobetxatzen jakin du. Alde batetik, kirol-turismoa, hazten ari den segmentua, inguruneak aukera ugari eskaintzen dituelako mendi-ibilaldiak eta ziklistak egiteko, beste kirol batzuez gain. Eta bestetik, negozio-turismoa: Loiola Hotelak kalitate handiko zerbitzua eskaintzen die inguruko enpresa askori, eta Urola Erdiko negozio-turismorako erreferentziazko baliabide gisa posizionatzea lortu dute.

Turismo-helmuga adimenduna
Azpimarratzekoa da une honetan Urola Erdia Helmuga Turistiko Adimendunaren bereizgarria lortzeko lanean ari dela, Segittur erakundeak emandako aintzatespena, ikuspegi integrala ematen duen eta gobernantzan, jasangarritasunean, irisgarritasunean, berrikuntzan eta teknologian oinarritutako etorkizuneko estrategia bat planteatzen duen metodologia lantzen duten helmugei ematen zaiena. Gipuzkoan Donostiak eta Goierri, Bidasoa, Debagoiena eta Debabarrena eskualdeek duten aintzatespen horrek are gehiago indartuko du Urola Erdiak helmuga turistiko moderno eta iraunkor gisa duen posizioa.
Diputatuak eskerrak eman dizkie hoteleko arduradunei bisitan erakutsitako prestasunagatik eta adeitasunagatik, eta nabarmendu du "Loiola Hotelak erakusten duela bikaintasunaren, jasangarritasunaren eta tokikoarekiko konpromisoaren konbinazioak eraldatu egin dezakeela turismoaren sektorea, Gipuzkoa kalitatearen eta jasangarritasunaren erreferente bihurtuz esparru horretan". "Hiru belaunalditan zehar, kostaldeko turismoa Gipuzkoako barnealderantz deszentralizatzearekin eta garapen jasangarriarekin konpromisoa erakutsi duen familia-negozioa da, garapen ekonomikoan eragin positiboa sustatuz. Eta hori guztia etengabeko lanean eta turismo-sektorearen aldaketetara eta egungo merkatu-eskarietara egokitzeko gaitasunean oinarrituta", gaineratu du. Azkenik, Azpiazu eta Labaka zoriondu ditu "bikaintasuna eta giza kalitatea uztartzeagatik", bezeroak "etxean bezala" sentiaraziz.
Bestalde, Olatz Azpiazuk diputatuaren visita eskertu du eta adierazi du bere familia lanean jarraituko duela "bezeroak pozik uzteko eta Urola Erdia sustatzeko".