Gipuzkoako Foru Aldundiak dei egin die emakumeei igandean ibilbidean parte har dezaten, Donostiako Nazioarteko Krosa gozatzeko eta kolektibo horren artean jarduera fisikoa sustatzeko
Gipuzkoako Foru Aldundiak dei egin die emakumeei igandean ibilbidean parte har dezaten, Donostiako Nazioarteko Krosa gozatzeko eta kolektibo horren artean jarduera fisikoa sustatzeko
Gipuzkoako Foru Aldundiak dei egin die emakumeei igandean ibilbidean parte har dezaten, Donostiako Nazioarteko Krosa gozatzeko eta kolektibo horren artean jarduera fisikoa sustatzeko
Gipuzkoako Foru Aldundiko Kirol Zerbitzuak lehen aldiz parte hartzen du Donostiako Nazioarteko Krosean, Emakumeok Mugimenduan programaren bidez eta Nordik Walking Donostia Urban elkartearen eskutik.
Marta Pastor kirol zuzendaria eta Goizane Álvarez kirol diputatua, Iñaki Gabarain Kirol zinegotzia, Ramon Goikoetxea Gipuzkoako Atletismo Federazioko presidentea, Olatz Egües Nordic Walking Donostia Urbaneko presidentea eta Anartz Arrieta Laboral kutxako arduraduna.
Marta Pastor Kiroletako zuzendariak azaldu duenez, Gipuzkoako Foru Aldundiko Kirol Zerbitzuak datorren igandean, urriak 5, egingo den Donostiako Nazioarteko Krosean parte hartzea Emakumeok Mugimenduan programa ezagutarazteko modu "bikaina" da. Programa horren helburua da emakumeen jarduera fisikoa sustatzea.
Kirol Zerbitzuak lehen aldiz laguntzen du Donostiako Nazioarteko Krosa, Emakumeok Mugimenduan programaren bidez, Nordik Walking Donostia Urban elkartearen eskutik. Horretarako, ibilbide bat antolatu da Donostiako Hotel Londresetik abiatuta 9:30ean, hipodromora arte. Bi ordu eta 23 minutuko iraupena izango du, 10 kilometroak burutu arte, eta hura osatzen duten pertsona guztiak doan sartu ahal izango dira ekitaldian. Gainera, hipodromoaren sarreran, Emakumeok Mugimenduan-en stand bat jarriko da, programa horri buruzko informazioa emateko eta aplikazio berria ezagutarazteko. Aplikazioa jaisten duten emakume guztiek kanpainaren detaile bat jasoko dute standean.
Hipodromorako irteeran parte hartzeko, inprimaki honen bidez eman behar da izena: https://docs.google.com/forms/d/e/1FAIpQLSf0UStHlL7KxPtUwg4-58HaB2eLIoO-zkaRRnO-MNF5aPJkmA/viewform
Prentsa ohar batean, Pastorrek adierazi du Gipuzkoako Foru Aldundiko Kirol Zerbitzuak argi izan duela garrantzitsua dela Donostiako Nazioarteko Krosean parte hartzea Nordik Walking Donostia Urban elkartearekin batera, iraganean hipodromora Donostiatik oinez joateko antolatzen ziren koadrilen tradizioa berreskuratu ondoren. Emakumeok Mugimenduan programa eta APP berria ezagutarazteko eta emakumeek jarduera fisikoan parte har dezaten sustatzeko "aukera" ona da.
Bere ustez, Kirol Zerbitzuaren eta kirol erakundeen arteko lankidetza –hala nola GAF-FAG Gipuzkoako Atletismo Federazioarekin– "funtsezkoa" da emakumeen artean bizimodu aktibo eta osasungarria sustatzeko, Gipuzkoako Soziometroaren arabera emakumeen % 27,2k eta gizon helduen % 20k ez baitu jarduera fisikoa erregulartasunez egiten. Horrek esan nahi du hiru emakumetik batek ez duela egiten Munduko Osasun Erakundeak gomendatutako gutxieneko jarduera fisikoa, hau da, astean 150 minutu. Horregatik, esan du espero duela deialdia arrakastatsua izatea eta emakume askok ibilbidean parte hartzea, Emakumeok Mugimenduan aplikazioa jaisteaz gain.
Azkenik, Marta Pastorrek ibilbidean parte hartzeko deia egin du. Ekimenak, emakumeen artean jarduera fisikoa sustatzeaz gain, sozializazioa eta haien arteko loturak sortzea ere bultzatzen du. Aire zabaleko jarduera fisikoetan parte hartzeak, osasun fisikoa eta mentala hobetzeaz gain, aukera ere ematen du lagun berriak egiteko, esperientziak partekatzeko eta komunitate zentzua sustatzeko.Gainera, kirol jardueretan elkarrekin parte hartzen dutenean, emakumeek elkar inspiratu dezakete, eta bizimodu aktibo eta osasungarri bati eusteko motibatu. "Espero dut ibilbideak arrakasta handia izatea eta emakume asko elkartzea jarduera fisikoaz gozatzeko eta beste emakume batzuekin egoteko", esan du amaitzeko.
1374