Ogi-apurra

Eduki publikatzailea

Munduari Begira

Munduari Begira

"Mundura Begira": Euskal Nazioartekotze Partzuergoaren lehenengo ekintza bateratua

Foto

Atzo “Mundura Begira” jardunaldia ospatu genuen Bilboko Euskalduna Jauregian. Jardunaldi hau Araba, Bizkaia eta Gipuzkoako hiru foru aldundiek, hiru merkataritza ganberek eta Eusko Jaurlaritzak osatutako Euskal Nazioartekotze Partzuergoaren lehenengo ekintza bateratua izan da. Nazioarteko aditu ospetsuek eta kanpoko presentzia duten euskal enpresen ordezkariek ere hartu zuten parte.

Iñigo Urkullu lehendakariak Eusko Jaurlaritza, Foru Aldundiak eta merkataritza-ganberak kide diren Euskal Nazioartekotze Partzuergoaren sorrera nabarmendu zuen. Bere iritzian, beharrezkoa da atzerrian ekonomia-ekintzak laguntzea, Euskadin enplegua sustatzeko eta sortzeko bidea ematen duelako, eta, esan duenez, esportazioak 20.000 milioi eurotik «oso gorakoak» diren arren, «gehiago egin behar dugu».

Hori dela eta, lehendakariak azaldu zuen Mundura Begira jardunaldiek aukera emango dutela nazioarteko inguruabarra eta lehentasunezko merkatuak, tartean, Alemania, Estatu Batuak, Hegoafrika, Mexiko eta Txina, aztertzeko, hala nola enpresei aukera gehiago eskaintzeko, SPRI sareko profesionalen aholkua jaso dezaten atzerri-gaietan.

Nazioartekotze bokazioa duten 300 enpresak baino gehiagok, euskal erakundeek esportazioari eskaintzen dioten laguntza-azpiegitura osoa tarteko duen ezohiko topaketa batean parte hartuko zuten atzo. Nazioarteko aditu ospetsuak eta kanpoko presentzia duten euskal enpresen ordezkariak partaide dituela. 

  

1041