Menu nagusira joan Eduki nagusira joan
Atzealdea

Ziemaldiak moda jasangarriaren aldeko apustua egin du 22 euskal enpresaren bitartez

Foto Ziemaldiak moda jasangarriaren aldeko apustua egin du 22 euskal enpresaren bitartez

Ziemaldiak moda jasangarriaren aldeko apustua egin du 22 euskal enpresaren bitartez

Zinemaldiko galetako aurkezleak, aktoreak, dantzariak eta zuzendariak Gipuzkoako eta Euskadiko modaz jantziko dira.

Ziemaldiak moda jasangarriaren aldeko apustua egin du 22 euskal enpresaren bitartez

Aldundiak ahalegina egingo du jaialdian iraunkortasunaren, ekonomia berdearen eta tokiko ekonomiaren irizpideak sartzeko, Zinemaldiarekin bat eginez.

José Ignacio Asensio: “Hau tokiko moda jasangarria bultzatzeko apustua da. Erakundeok sektore guztiei lagundu behar diegu, eta, zehazki, hurbileko modari, eskulanari eta tokiko merkataritzari; baina aukera horretaz baliatu behar dugu normaltasun berri bat eraikitzeko, ekonomia berde berri bat”.

José Luis Rebordinos: “Jasangarritasuna ez da aukera bat. Aditu guztiak bat datoz, beharrezkoa da neurriak berehala hartzea ingurumenaren suntsiketa atzeraezina izan ez dadin, eta tokiko modaren aldeko apustu hori ekintza txikia izan daiteke, baina beharrezkoa da beste neurri batzuekin batera”.

Harkaitz Millan: “Kultura Departamentutik, tokiko modaren sektorea ikusarazteko apustuarekin bat egiten dugu. Moda kultura-adierazpen bikoitzeko modu bat da, alde batetik, sortzailearen ikuspuntutik eta bere jantziekin transmititu nahi duena, eta, bestetik, janzten dituen pertsonaren eta komunikatzeko moduaren aldetik”.

Donostiako Nazioarteko Zinemaldiaren 69. edizioko aurkezleak, aktoreak, dantzariak eta galetako zuzendariak Gipuzkoako eta Euskadiko modaz jantziko dira berriro, Gipuzkoako Foru Aldundiko Ingurumeneko eta Kulturako Departamentuen, Zinemaldiaren, Donostiako Udalaren eta Eusko Jaurlaritzaren eskutik, "Zinemaldiko 2021eko izarrak janzten" 2021 proiektuaren bidez. Ekimen honek aukera eman die lurraldeko marka guztiei proiektu honetan parte hartzeko, eta Gipuzkoako Foru Aldundiko Ingurumeneko eta Kulturako Departamentuek ahalegina egin dute Zinemaldian iraunkortasunaren, ekonomia berdearen eta tokikoaren irizpideak sartzeko.

COVID-19ak Gipuzkoako moda-sektorearen eta moda-industriaren merkataritza-garapena zaildu duen urte honetan, agerian geratu da tokiko balioak duen garrantzia. Normaltasun berde berri bat eraiki behar da (Green Recovery), eta, horretarako, Zinemaldia gure kulturaren eta nazioarteko ehun-sorkuntza jasangarriaren erakusleiho bihurtuko da berriro.

Deialdi publiko batean Gipuzkoako, Bizkaiko eta Nafarroako 40 enpresa atxiki ziren, eta Zinemaldiko estilistek aurkeztutako proposamenak aurrez hautatu ondoren, 22 enpresak hartuko dute parte Zinemaldiko bederatzi egunetan “Zinemaldiko izarrak janzten” ekimenean. 22 enpresa horietatik 19 gipuzkoarrak dira, 1 bizkaitarra, 1 Arabakoa eta 1 nafarra, eta 2 Gipuzkoako Foru Aldundiko Ingurumeneko Departamentuak sustatutako ‘GK Green Fashion’ Moda Jasangarriaren klusterreko kideak dira: Adriana Astiazaran, AEG Ikastetxea, Álex Vallejo joyeros, Amagoia Etxeberria, Amaia Albes, Ana Loreto Martín, Charo Casteres, Desiree Arellano Galarreta, Elixabet Perdiguero (GK Green Fashion), Getary, Isabel Astiazaran, Isabel Zapardiez, Javi Pérez Chalbaud, Joyería Casa Munoa, Loreak Mendian (GK Green Fashion), Maialen Campaña, Mihdu, Minimil, Miren Arruabarrena Zapirain, Sophie et Voila, Torrubia & Torrubia eta Unai Fernández (Lasai Wear).

Oraindik bitxien eta osagarrien esleipen asko egin behar diren arren, euskal marka batzuek dagoeneko jaso dute beren presentzia galetan edo alfonbra gorrietan. Isabel Zapardiez Cayetana Guillén-Cuervo jantziko du inaugurazio-galan, eta Anne Igartiburu alfonbra gorrian ibiliko da, Isabel Zapardiez edo Amaia Albesen diseinu gipuzkoarrarekin. Bestalde, Asier Etxeandia eta Enrique Bárbaro aktoreek Aldabaldetrekuren diseinu bana eramango dute. Kukai dantza-konpainiako dantzariek AEG-k esklusiban prestatutako jantziak eramango dituzte, musikariek Aldabaldetrekuren alde egingo dute ere eta DJa Lasai Wear-ek jantziko du. Aurkezleei dagokienez, Vanesa Rodríguezek Minimil eta Mihdu fidatuko ditu, eta Edurne Ormazabalek Elixabet Perdiguero (Eli-two). Gainerako esleipenak gaurtik hasi eta aurtengo ekitaldiaren amaiera arte egingo dira.

José Ignacio Asensio Ingurumeneko diputatuak azpimarratu duenez, “hau tokiko moda jasangarria bultzatzearen aldeko apustua da. Aurten Gipuzkoako Foru Aldundiaren presentziak, garrantzia handiagoa hartu du COVID-19aren pandemiak eragindako krisia dela. Krisi horrek sektore ekonomiko guztiei eragin die, eta zuzenean modaren industriari ere”. Gainera, foru-arduradunak adierazi duenez, “erakundeok sektore guztiei lagundu behar diegu, eta, zehazki, hurbileko modari eta tokiko eskulanari eta merkataritzari. Baina aukera horretaz baliatu behar dugu normaltasun berri bat eraikitzeko, ekonomia berde berri bat: 'Green Recovery'.

Harkaitz Millan Kulturako diputatuak adierazi duenez, “Kulturako Departamentutik, tokiko modaren sektorea ikusarazteko apustuarekin bat egiten dugu. Moda kultura-adierazpen bikoitzeko modu bat da, alde batetik, sortzailearen ikuspuntutik eta bere jantziekin transmititu nahi duena, eta, bestetik, janzten dituen pertsonaren eta komunikatzeko moduaren aldetik”.

Bestalde, Zinemaldiko zuzendari José Luis Rebordinosek azpimarratu duenez, euskal moda nazioartean ezagutarazten laguntzeaz gain, jasangarritasunari dagokionez ere egin behar da: “Duela egun batzuk, Zinemaldiaren ingurumen-eraginari buruzko txostena eta hura murrizteko konpromisoak aurkeztu genituen. Orduan esan genuen iraunkortasuna ez dela aukera bat.