Ekitaldia

Zaila da Euskal Herriko herri eta auzoetako jaietara joatea eta oholtza gainean Andoni Ollokiegi (Pasai Donibane, Gipuzkoa, 1992) ez ikustea. Urteak daramatza pasaitarrak, bere gitarra eskuetan, jaiegunak eta gauak girotzen. Etengabeko abesti jarioak dira Andoni Ollokiegi musikariaren kontzertuak. Telebistan, han eta hemen, abesten ikusi izan badugu ere, orain arte ez du bere lanik kaleratu gipuzkoarrak. Orain, baina, bestelakoa da egoera, Bekataria izeneko bere lehen diskoa kalean baitu. Hala, lana argitaratuta, bere abestiak eta ohiko kontzertuak uztartu nahi ditu, horiek merezi duten tokia emanez.