Diputatuen kontseiluak 2025eko irailaren 23ko bileran onartutako gaiak

JASANGARRITASUN DEPARTAMENTUA

• Gastua baimentzea eta xedatzea Naturklimaren alde, ezohiko transferentzia gisa.

EKONOMIA SUSTAPENEKO ETA PROIEKTU ESTRATEGIKOETAKO DEPARTAMENTUA

• Dirulaguntza hauen oinarri arautzaileak eta 2025eko deialdia onestea: Enpresak berritzen: Ekonomia Berdea programa.
• Dirulaguntza hauen oinarri arautzaileak eta 2025eko deialdia onestea: Salgaiak garraiatzeko ibilgailuen gurpilak aldatzeko laguntza programa.
• Diruzko ekarpena egitea BIC Gipuzkoa Berrilan SA-ri bazkideen ekarpen gisa eta sozietatearen finantza-egitura indartzeko eta Gipuzkoa Quantum HUB programa sortu eta garatzeko behar adina baliabide ekonomikoz hornitzeko.
• Diru ekarpena onestea ZIUR Fundazioaren alde haren jarduera plan berria gauzatzeko.

OGASUN ETA FINANTZA DEPARTAMENTUA

• Kredituen transferentzia eta konpromiso kredituen transferentzia egitea Ekonomia Sustapeneko eta Proiektu Estrategikoetako Departamentuan.
• Konpromiso kredituen transferentziak egitea Bide Azpiegituretako eta Lurralde Estrategiako Departamentuan.

BIDE AZPIEGITURETAKO ETA LURRALDE ESTRATEGIAKO DEPARTAMENTUA

• Dirulaguntza hauen oinarri arautzaileak aldatzea eta 2025eko deialdia onestea: Udalerri eta toki-erakunde txikientzako laguntzena, Gipuzkoako Foru Aldundiaren errepide sareko errepideen ingurunean bide segurtasuna hobetzeko jarduketak egin daitezen.
• Honako hitzarmen hau onestea: Gipuzkoako Foru Aldundiaren, Red Ferroviaria Vasca-Eusko Trenbide Sarearen eta Lezoko Udalaren artean sinatu beharrekoa, oinezkoen ibilbideak berrantolatzeko, GI-636 errepidearen gaineko pasagunea egiteko, eta ETSren eta ADIFen trenbide-pasagunea eta tren-geltokirako sarbidea kentzeko.
• Onestea obra hauek kontratatzeko espedientea: Villabonatik Amasa auzora doan GI-3751 errepideko 0+000 KP-arekiko paraleloan oinezkoentzako konexioa egiteko proiektu berrikusia.
• Onestea Bide Azpiegituretako eta Lurralde Estrategiako Departamentuaren eta Gipuzkoako Lurralde Historikoko 4.000 biztanleetik beherako udalerrietako udal eta mankomunitateen artean sinatu beharreko Hitzarmen eredua, oinarrizko administrazio-espedienteak EsKuA espediente kudeatzailean ezartzeko.