Gipuzkoako Foru Aldundiak Idiazabalgo Txomenareneako parkea espazio didaktiko eta ekologiko bihurtu du
54.000 euroko inbertsioarekin, proiektuak biodibertsitatea, jasangarritasuna eta ingurumen-hezkuntza konbinatzen ditu 6.400 m²-ko azaleran.
Prentsa oharrak
Prentsa oharrak
12 urtetik beherakoek doan bidaiatu ahal izango dute garraio publikoan, urtarrilaren 30etik aurrera Gipuzkoan
Gipuzkoako Garraioaren Lurralde Agintaritzaren (GGLA) presidenteordeak jakinarazi duenez, batzarrak argi berdea eman dio neurri horri
‘Arrimu Programaren’ egonkortzea, 2022tik kontsumo aktiboa eta buru-nahasmena duten 81pertsona artatu eta gero
· Programa abian jarri zenetik, gazte horien 60 senidek ere jaso dute laguntza. · Gipuzkoako Foru Aldundiak osotasunean finantzatzen du ‘Arrimu Programa’, urtean 89.177 euroko ekarpenarekin. Era berean, urtean 3 milioi eurotik gora bideratzen ditu Gizakia Helburu fundazioko beste hainbat programa eta zerbitzu finantziatzeko.
"Feminismoa defendatzea askatasuna, berdintasuna eta demokrazia defendatzea da
Irune Berasaluze: “Kolektibo eta elkarte feministen konpromisoari esker, Gipuzkoak berdintasunezko eredu bidezkoago bateranzko bidea egin du. Gure ardura da bide horretatik jarraitzea”
Foru Aldundiko Kultura Departamentuak, EQZEren bitartez, eta Donostia Zinemaldiak José Ángel Herrero-Velarde beken hirugarren edizioa bultzatzen dute Zinemaldiaren artxibo historikoa ikertzeko
Hiru ikertzaileri 3.500 euroko dirulaguntza bana eta bi astez Euskadiko Filmategian lan egiteko espazioa emango zaizki. Proiektua aurkezteko epea, datorren ostiralean, martxoaren 7an hasiko da eta apirilaren 22ra arte egongo da zabalik
Gipuzkoa ekonomia zirkularraren abangoardian, nazioarteko 40 aditu baino gehiagorekin
José Ignacio Asensio: “2019an lehen topaketa egin genuenean, birziklatzearen sektoreak 500 milioi euro fakturatzen zituen Gipuzkoan. Gaur egun, kopuru hori hirukoiztu egin da: 1.500 milioira iritsi da, eta lurraldeko BPGaren % 6 da, 6.500 enplegu sortuta”.
Gipuzkoako Kultura Departamentuak Juan Carlos Eguillorren 1.089 pieza utzi ditu gaur Bilboko Errekalde Aretoan inauguratu den erakusketara
Haren familiak Koldo Mitxelena Kulturunaren liburutegian gorde zuen funtsak erakusgai jarritako materialaren % 90a osatzen du. Koldo Mitxelenaren obrak egin bitartean, material hori Oñatiko Artxibo Historiko Probintzialean gorde da, eta erakusketa amaitu ondoren, irailaren 28an, bertara itzuliko da.
Gipuzkoa Cooperak 8. edizioa hasi du: jarraipena emango die zazpi proiekturi eta atea ireki die beste bi programari
Arkeolanek, Aspegik, Biodonostiak, CFM-MPCk, Aiala ostalaritza-eskolak, Kukai Dantzak eta Zinemaldiak beren proiektuak garatzen jarraituko dute 2025ean. Programaren helburua da Gipuzkoan errotuta dauden eta nazioarteko lankidetzaz kanpokoak diren erakundeak inplikatzea beren eragin-eremuko proiektuak gara ditzaten garapen-bidean dauden herrialdeetan.
Mugikortasuneko, Turismoko eta Lurralde Antolaketako Departamentuak bat egin du M8rekin "Lurraldebusen bidaia bakoitza inspiratzen duten emakumeak" kanpainarekin
Azahara Domínguez diputatuak jakinarazi duenez, gaurtik martxoaren 16ra, Emakumearen Nazioarteko Eguna dela eta, Lurraldebuseko autobusek kanpaina honetarako prestatu diren eta Gipuzkoako hiriarteko autobus-zerbitzuaren barruan emakumeek dituzten rolak erakusten dituzten kartelak eta bideoak erakutsiko dituzte. Bideoek, gainera, sare sozialetan ere izango dute zabalkundea.
Goizane Álvarez eta Azahara Domínguez diputatuek Azpeitiko Mendietxe museoa bisitatu dute Alex Txikonekin batera
Azpeitiako Esklaboen komentuan kokatuta, Mendietxek Euskal Herriko eta nazioarteko alpinismoaren ibilbide zirraragarrian murgiltzen ditu bisitariak, kirolariek espedizioetan erabilitako argazki eta objektu pertsonalen bilduma handi baten bidez.
Ezkio-Itsasoko Udalak eta Gipuzkoako Foru Aldundiak Argindegi eraikineko etxebizitza bat egokitu dute Harrera Etxe izateko
· Argindegi eraikineko egokitutako etxebizitzak udalerriko pertsonei babesa emango die larrialdi-egoeren aurrean. Proiektuak 150.586,46 euroko kostua izan du eta Gipuzkoako Foru Aldundiak 110.000 euro bideratu ditu.
“Topagune izan dadila leku hau eta gure herriak, gure ohiturek, izan dezatela hiru hagin hauek bezala sustrai, enbor, adar eta hosto sendoak”
Gipuzkoako armarrian ageri diren hiru haginen oroigarri gisa landatu dute hagin bana Batzar Nagusietako lehendakariak, diputatu nagusiak eta Altzoko alkateak, “Ipuscua” izena idatzirik ageri den 1.025 urteko agiria gorde duen herriari Batzar Nagusiek egindako oparia.
Foru Ogasunak Errenta+ aplikazioa abiarazi du, 2024ko Errenta kanpaina modu erraz eta seguruan egiteko
Abian da 2024ko Errentaren kanpaina. Gipuzkoako Foru Ogasunak 285.595 autolikidazio proposamen egin ditu, gaurtik aurrera kontsultatu eta onartu daitezkeenak, Internet bidez, telefonoz edo ‘Errenta+’ APP berriaren bidez
Aldundiak eta Irun eta Hondarribiko udalek Bidasoaldeko mugikortasuna hobetzeko 50 milioi euroko inbertsioa izango duen bide azpiegituretako plan bateratua aurkeztu dute
Planean foru-errepideak eta Irun, Hondarribia eta Gipuzkoa, Nafarroa eta Iparraldeko beste eremu batzuen arteko loturak hobetzeko proposatzen da, eskualdeko errepide nagusietan esku hartuz. AP-8an Arbes parean egingo den lotura berria —Oñaurrekoarekin batera lotune osoa osatuko duena— Azken-Portuko biribilgune berri baten bidez konektatuko da Irun iparraldeko saihesbidearekin, eraztuna itxiz eta Irun Hegoaldeko Ingurabidea egia bihurtuz. Gainera, Amute, Mendelu eta Plaiaundiko jarduerak eskualde osoaren eraldaketa integralerako plan zabal baten baitan kokatzen dira.
Hariberriak, sexu-indarkeriari arreta integrala emateko foru zerbitzuak, lurraldeko bigarren zentroa zabaldu du Arrasaten
· Aldundiak berretsi egin du lurralde-orekarekiko duen konpromisoa, arreta espezializatua Gipuzkoa osora gerturatuz. Gaur Arrasateko Hariberria inauguratu du, eta epe motzean Zaldibian zabalduko du zerbitzu bera. · Egoitza berrian informazioa, orientazioa, laguntza psikologikoa eta soziala emango dira, bai eta emakumeen eskubideei eta aukerei buruzko aholkularitza ere.
Azahara Domínguez diputatua Marisol Garmendia Espainiako Gobernuak Euskadin duen ordezkariarekin bildu da, Lurraldebuseko indarkeria matxisten aurkako protokoloaren kontrastearen prozesuari jarraipena emateko
Noemí López Gobernuak Gipuzkoan duen ordezkariordeak ere parte hartu du bileran, zeinetan dokumentu hori arautuko duten gidalerro nagusiak azaltzeko balio izan duen. Protokolo hay tresna "integrala eta proaktiboa" izango da Gipuzkoako hiriarteko garraio publikoan indarkeria matxistak prebenitzeko eta horien aurka borrokatzeko.
Azahara Domínguez diputatuak La Guipuzcoana emakidaduna bisitatu du, non Mugikortasuneko, Turismoko eta Lurralde Antolaketako Departamentuak flotaren erdia berrituko duen
Azkoitian dagoen eta aurten lehen mendea betetzen duen konpainia honek hogeita hamar autobus inguru ditu gaur egun (horietatik 22 Lurraldebusekoak) eta 65 pertsona enplegatzen ditu. Mugikortasuneko, Turismoko eta Lurralde Antolaketako Departamentuak hamaika ibilgailu berri (bederatzi autobus eta bi mikrobus) sartuko ditu datozen hilabeteetan bertan. Ibilgailu horiek 2023ko uztailetik sartu diren bostei gehituko zaizkie, eta horrek sekulako jauzi kualitatiboa ekarriko du eskaintzen den zerbitzuan, autobus jasangarriagoak eta eraginkorragoak izateaz gain, erosoagoak ere badirelako.
Gipuzkoak harrera-familiak behar ditu 75 haur eta nerabe hartzeko, horietako 7 premia handiz
• Gipuzkoako Aldundiak kanpaina bat jarri du martxan, azpimarratzeko «haur edo nerabe batek ere ez duela bakarrik hazi behar». Ekimen honetan 682 55 44 33 zenbakia nabarmendu dute, familia mota desberdinak sinbolizatuz, «zure familiak mesede handia» egin dezakeela gogorarazteko. • Gipuzkoako Foru Aldundiak 848 adingabe ditu tutoretzapean, eta horietatik 303 lurraldeko harrera-familietan daude dagoeneko.
Gnat Zinema abian da Kantauri dokumentalaren munduko estreinaldiarekin, itsasoaren bidai zinematografikoa
Bosgarren edizioan, Gnat-ek lau dokumental proiektatuko ditu, eta jasangarritasunari eta naturaren kontserbazioari buruzko gogoeta egitera gonbidatuko duten adituak izango ditu.
Gipuzkoak ekonomia zirkularreko emakume liderrak saritu ditu “Emakumeak jasangarritasunaren alde” sarien lehen edizioan
Gipuzkoako Foru Aldundiak Idoia Azaldegui, Marta Ormazabal eta Izaskun Suberbiola saritu ditu. Ekonomia zirkularrean egin duten ibilbidea eta hartutako konpromisoa nabarmendu dute, jasangarritasunaren arloan ekimen aitzindariak lideratuz.