Prentsa oharrak

Mugikortasuneko, Turismoko eta Lurralde Antolaketako diputatu Azahara Domínguezek Turismo Mahaia bildu du, sektorearekin hartu zuen konpromisoari erantzunez

Diputatuak Altzon egindako jardunaldi batean bildu du sektorea. Bertan, lurraldeko turismo-industriaren egoerari eta datozen hilabeteetan aurre egin beharreko erronkei buruz hitz egin du. Gainera, turismo-industria osatzen duten erakunde publiko eta pribatuekin lankidetzan jarraitzeko konpromisoa hartu du, Gipuzkoak erreferentziazko helmuga turistiko iraunkorra izaten jarrai dezan.

2024/11/28

Azahara Domínguez diputatuak amaiera eman dio Euskal Herriko Arkitektoen Elkargo Ofizialak Gipuzkoako lurralde eta hiri ereduari buruz antolatutako jardunaldiei

Lau jardunalditan zehar, hainbat gai jorratu dira, hala nola hiri-irudia fatxadetan zehar, kasu historikoak, San Bartolome eta baserria unitate espazial gisa. Mugikortasuneko, Turismoko eta Lurralde Antolaketako Departamentuak ekimen hori babesten jarraituko du 2025ean.

2024/11/29

Lasain-Gogortegiko mikrohezeguneak inauguratu dira: Gipuzkoako klimaren erresilientziarako urrats berria

Jasangaritasun Departamentuak eta Naturklimak, Irungo Udalarekin eta enpresa emaileen lankidetzarekin batera, klimaren erresilientzia hobetzeko eta espezieen kontserbazioa sustatzeko diseinatutako lau mikrohezegune garatu dituzte.

2024/11/27

2025eko aurrekontuak adostea helburu, proposamen bateratua eta zabala eskaini die Aldundiak batzarkide taldeei

· Epe laburrera eta luzera begira herritarren ongizate integralean inpaktua izango duten partida berriak jarri ditu mahai gainean foru gobernuak, 61.4 milioiko zuzkidurarekin, aurreko kontaktuetan jaso eta dagoeneko aurrekontuetan txertatu direnez gain. · Oposizioko alderdiekin aurrekontuen inguruko akordioa bilatzeko bilerak egin dira gaur; lurraldean dagoeneko sustraitua dagoen lankidetza oinarri hartuta, Gipuzkoako desafioei “elkar hartuta” erantzuteko eskaintza egin dute Aldundiko ordezkariek, “ekarpen berriak jasotzeko erabateko prestutasunez eta apaltasunez”.

2024/11/27

Aldundiak Gaintxurizketan behin-behineko pasabidea eraikitzea onartu du, behin betiko konponbidea eraiki bitartean

Proiektuaren baitan daude pasabide goratua, oinezkoentzako espazioa handitzea, babes- eta seinaleztapen-elementu berriak sartzea, eta tarte horretan abiadura 70 km/ h-ra mugatzea.

2024/11/26

Gazteak Auzolanean: zortzi urte gazteen proiektuak bultzatzen

113 gaztek eragin sozialeko 32 proiektu garatu dituzte dirulaguntzei esker. Aurtengo proiektuetan osasun mentala, aisialdi inklusiboa, emozioen kudeaketa, arte garaikidea edo deskonexio digitala bezalako gaiak jorratuko dira. 8 urte hauetan, 171.000 euro baina gehiago bideratu dira programa honetara.

2024/12/20

Aldundiak energia-trantsizioarekiko eta segurtasunarekiko konpromisoa indartu du Alegia eta Ikaztegieta lotzen dituen bidegorrian 60 eguzki-farola instalatuz

Lanak urrian hasi ziren eta ia amaituta daude. Gauzatzeko epea hiru hilabetekoa izan da, eta aurrekontua, guztira, 150.000 eurokoa, Gipuzkoako Foru Aldundiak osorik finantzatuta.

2024/12/19

Mendekotasuneko prestazio ekonomikoak eskuratzeko aukera handitu egin dela jakinarazi du Foru Aldundiak, arau aldaketa dela medio

Lege-erreforma berri batek laguntza horiek jasotzeko irizpideak zabaldu ditu, eta lehen baldintzak betetzen ez zituzten pertsona batzuk orain onuradun izan daitezke.

2024/12/23

Prentsa Bulegoa

Prentsa oharrak