Albisteak

Mugikortasuneko, Turismoko eta Lurralde Antolaketako diputatua den Azahara Domínguezek, Minbiziaren Aurka Gipuzkoan, Katxalin eta Asgicer elkarteetako ordezkariekin batera, Avanza enpresaren instalazioak bisitatu ditu, eta bertatik bertara ikusi ahal izan du nola geratu diren begizta arrosa handi batekin binilatutako autobusak .

Telefono bidezko salmenta-zerbitzua datorren astelehenetik (hilak 14) aurrera jarriko da martxan, eta astelehenetik igandera, 7:30etik 21:30era, urtarrilaren 1ean eta abenduaren 25ean izan ezik, emango du harreta. Erabiltzaileek 843 740 286 zenbakira deitu ahal izango dute txartelak erosi ahal izateko, eta erosteko baldintzak online erosketakoen berdinak izango dira. Gainera, erabiltzaileek telefono-zerbitzuaren bidez edo Avanza webgunearen bidez erositako txartelak aldatu eta baliogabetu ahal izango dituzte, online erosketaren baldintzen arabera. Beste edozein gai, hala nola lokalizatzaileen eskaera edo beste kontsulta batzuk, Avanza Bezeroaren Arreta Zerbitzuak artatzen jarraituko du.

Duela aste batzuetatik hona, Mugikortasuneko, Turismoko eta Lurralde Antolaketako Departamentuak hainbat neurri hartzeko eskatu dio enpresari bere web-orriaren kolapsoa arintzeko, hala nola datu-basearen datu-iraulketa optimizatzea, zerbitzari birtual berri bat sortzea, egungo zerbitzarietan baliabideak handitzea edo monitoretza-tresnak instalatzea, besteak beste. Gainera, Irailaren 9az geroztik, Donostiako autobus geltokiko leihatilak indartu dira, goizez zein arratsaldez bi pertsonarekin, eskaera handiko uneetan arreta azkarra bermatzeko. Departamentuak neurriak ezartzen jarraituko du laster, egoera errepika ez dadin.

Fernando Prieto, Mugikortasuneko zuzendari berria; Libe Otegui, Turismoko zuzendaria; eta Ernesto Martínez de Cabredo, Obra Hidraulikoetako zuzendaria, Gipuzkoako Foru Aldundiko karguak bere gain hartu dituzte.