Bide Azpiegituretako eta Lurralde Estrategiako departamentuaren eginkizun eta jarduera-esparru nagusiak honako hauek dira: errepide sarea planifikatzea eta eraikitzea, eta lurraldeko bide-azpiegitura sarea kontserbatzea eta ustiatzea, bidegorriak barne. Lurralde Estrategiari dagokionez, helburua da Aldundiaren jardunean ikuspegi estrategikoa txertatzea, lurralde-kohesioa indartzen duten eta tokiko zein eskualdeko mailan lurraldearen garapen orekatua sustatzen duten lankidetza-proiektuak bultzatuz.

Legealdi honetako helburu nagusia da lurraldeko mugikortasuna, kohesioa eta lehiakortasuna bultzatzen eta hobetzen jarraituko duten bide-azpiegiturak eta herri-lanak planifikatu, proiektatu eta gauzatzea. Departamentuak, halaber, Gipuzkoako herritarren bizi-kalitatea hobetzen, lurraldeko herri eta hirien garapena sustatzen eta gure ekonomiaren lehiakortasuna indartzen laguntzeko lan egiten du.