GIPUZKOA DIGITALA ZIBERSEGURTASUNA programa

"Etorkizuna eraikiz" lurraldeko eragileekin lankidetzan egindako hausnarketa-prozesu gisa pentsatuta dago, bai eta esperimentazio aktiboko ariketa gisa ere, Gipuzkoako gizarte osoaren etorkizunerako garrantzitsuak diren proiektuen bidez. Proiektu horien artean, 4.0 industria bultzatzea dago, non zibersegurtasuna lehen mailako elementu baldintzatzailea den.

Zibersegurtasun programa 2018an diseinatu zen, eta 2020an berrikusi zen, telelan segurua sustatzeko linea bat gehituz, COVID-19a agertzeak behartutako lan egiteko modu berrien ondoriozko premiazko beharrak betetzeko. 2021ean, Proiektu Estrategikoen Zuzendaritzarekin eta ziur Fundazioko profesionalekin batera, programaren eta haren emaitzen berrikuspen osoa egin da, eta zenbait aldaketa adostu dira ETEen programarako sarbidea errazteko, eta laguntza lerro berri bat sortu da industria produktuen segurtasuna ebaluatzeko proiektuen garapena bultzatzeko. Laguntzak industria-gailuak garatzen eta/edo diseinatzen dituzten enpresentzat dira, diseinutik zibersegurtasuna ezar dezaten sustatzeko eta haien esku jartzeko beren produktuen segurtasuna industria laborategietan probatzeko/testatzeko aukera.

Programak hiru laguntza ildo ditu:

• Lehenengoa, Gipuzkoako ETE industrialen artean zibersegurtasun neurriak ezartzera bideratutakoa.

• Bigarrenak izaera teknologikoa du, eta zibersegurtasunaren sektoreko Gipuzkoako enpresei laguntzak ematen dizkie produktu edo ekoizpen prozesu berriak garatzeko edo lehendik zeudenak nabarmen hobetzeko.

• Hirugarrena, produktuen zibersegurtasuna ebaluatzeko proiektuei laguntzeko.

 

Dirulaguntza

2022ko deialdia

1. lerroa. Gipuzkoa digitala: Zibersegurtasuna enpresak

Helburua: aholkularitza espezializatua kontratatzea zibersegurtasun-plan bat egiteko, egoeraren diagnostikoa egiteko, sentsibilizatzeko eta/edo zibersegurtasunari buruzko prestakuntza emateko.

Eskabideak aurkezteko epea: 2022ko apirilaren 6tik irailaren 15era, biak barne

Dirulaguntzarako sarbidea: programari buruzko informazio guztia

Programaren araudirako sarbidea: Gipuzkoako Aldizkari Ofiziala, GAO 65 zkia.

2. lerroa. Gipuzkoa digitala: Zibersegurtasuna I+G

Helburua: enpresek zibersegurtasun industrialaren arloan gauzatutako I+G proiektuak.

Eskabideak aurkezteko epea: 2022ko apirilaren 6tik maiatzaren 5era, biak barne.  

Dirulaguntzarako sarbidea: programari buruzko informazio guztia

Programaren araudirako sarbidea: Gipuzkoako Aldizkari Ofiziala, GAO 65 zkia.

3. lerroa. Gipuzkoa digitala: Zibersegurtasuna produktu industrial zibersegurua

Helburua: Industria produktuen segurtasuna ebaluatzeko proiektuen garapena bultzatzea da. Laborategien Sare Nazionalean erregistratutako zibersegurtasun industrialeko laborategiak dituzten agenteak azpikontratatzearen gastuak bakarrik hartuko dira diruz laguntzeko modukotzat edo bestela, justifikazio txostena aurkeztu beharko da. 

Eskabideak aurkezteko epea: 2022ko apirilaren 6tik maiatzaren 5era, biak barne.  

Dirulaguntzarako sarbidea: programari buruzko informazio guztia

Programaren araudirako sarbidea: Gipuzkoako Aldizkari Ofiziala, GAO 65 zkia.

 

 

Informazio gehiago

Entitate eskatzaleak aurkeztuko du dagokion dokumentazioa: EGIN EZAZU ZURE ESKAERA

DOKUMENTUAK DESKARGATU-n aurkituko dituzu dokumentuak eta ereduak.