Irune Berasaluze Aldundiko bozeramaileak agerraldia egin du gaur Gobernu Kontseiluan hartutako erabakien berri emateko, Maite Peña Zainketako eta Gizarte Politiketako diputatuarekin batera. Elkarrekin emandako prentsaurrekoan, Peñak iragarri du Adinberri zentroaren obrei berrekingo zaiela, Gipuzkoako Foru Aldundiaren proiektu estrategikoetako bat, hain zuzen. Zentro horren jarduerari ekainaren 9an ekingo zaio berriro. Gainera, gazteen ongizate emozionala sustatzeko neurri berriak aurkeztu dira, lurraldeko gaitasun handiko sarean bide segurtasuna indartzeko jarduerak, eta Zarautz ekialdeko eta Oiartzungo bidesariak berritzea.