Gipuzkoako Foru Aldundiak Enpresak Berritzen: Ekonomia Berdea programa onartu du gaur Gobernu Kontseiluan, Gipuzkoako enpresen lehiakortasuna hobetzeko ekimen berri bat. Ekimenak 1.500.000 euroko aurrekontua du guztira, eta diruz lagunduko da kostu hautagarrien % 50era arte, gehienez 40.000 euro proiektu bakoitzeko. Laguntzak 5 langiletik 250era bitarteko ETEei zuzenduta daude eta “lehiakortasuna hobetzeko helburuarekin, ekonomia berdeko baliabideetan eta irizpideen erabileran hobekuntzak dituzten ekipamenduak ordezkatzeko inbertsioak lagunduko dira, prozesuak optimizatzeko eta enpresa posizionamendua indartzeko”, Irune Berasaluze foru bozeramaileak azaldu duenez.