Albisteak

Azahara Domínguez Mugikortasuneko, Turismoko eta Lurralde Antolaketako foru diputatuak eta José Ignacio Asensio Jasangarritasuneko diputatu eta lehen diputatu nagusiordeak inauguratu dute, Mikel Serrano Zumarragako alkatearekin batera, GI-2632 errepidearen bulebarizazioaren bigarren fasea. Zeharbidea hobetzeko, espaloiak zabaldu behar izan dira, aparkaleku-plazak berrantolatu, bizikleta-bide bat sartu eta berdeguneak sortu. Foru Aldundiak 344.000 euro inguruko inbertsioa egin du, eta Udalak 80.000 euro jarri ditu.

Azahara Domínguez Mugikortasun, Turismo eta Lurralde Antolaketako diputatua gaur bildu da «Jarri prest zure bizikleta MUGIrekin» ekintzako bi bizikleten irabazleekin, Carlos Gude eta Iker Egañarekin, eta MUGI txartelean 20 euroko kargarekin saritutako hirurogei pertsonetatik bi ere, Mónica Peinó eta Miriam Peña. Foru ekimena laugarren urtez jarraian jarri da martxan Mugikortasunaren Europako Astearen baitan, eta beste 60 pertsona ere saritu ditu MUGI txartelerako 20 euroko birkargarekin, eta 50 euroko 2 bono banatu ditu bizikletarako materiala erosteko aurtengo edizioan ekimenera atxiki diren 11 dendetako batean.

Mugikortasuneko, Turismoko eta Lurralde Antolaketako foru diputatu Azahara Domínguezek Gipuzkoako Batzar Nagusietan informazioa eman du, EH Bildu batzarkide taldeak egindako interpelazio bati erantzunez. Eskaera zen herritarren hiriarteko garraio publikoko zerbitzuaren inguruko beharrei erantzuteko Lurraldebusek egin dituen doikuntzei buruzkoa. Diputatuak neurriei buruzko datu zehatzak eman ditu; zehazki, 40 lineatan 19 errefortzu egin dira, zerbitzuak erabiltzaileen beharretara egokitzeko.

Azahara Dominguez Mugikortasuneko, Turismoko eta Lurralde Antolaketako diputatuak agerraldia egin du Gipuzkoako Batzar Nagusietan, berak hala eskatuta, legegintzaldi honi begira, buru den departamentuaren helburuak eta ildo estrategikoak azaltzeko. Mugikortasuneko, Iván Pedreira, Turismoko, Iñigo García eta Lurralde Antolaketako, Miguel Ángel Crespo, zuzendariek lagunduta, Azahara Domínguez batzarkide-taldeekin komunikazio arina eta iraunkorra izateko borondatea agertu du, zerbitzu publikoaren bokazioari datxezkion balioekin bat etorriz, gardentasunerako borondatea eta taldeen arteko akordioen irismena azpimarratuz.

Mugikortasun, Turismo eta Lurralde Antolaketako diputatu Azahara Dominguezek European Metropolitan Authorities (EMA) sarearen urteroko foroan parte hartu du; aurten, Helsinkin ospatu da, atzo eta gaur. Dominguezek parte hartu du topaketa honetako sinadura politikoan; helburua zen balioan jartzea metropoli eremuek eraldaketa berde eta digitalaren bidez hazkunde inklusiboa indartzeko xedean funtsezko elementu gisa duten papera.

Azahara Dominguez Mugikortasuneko, Turismoko eta Lurralde Antolaketako foru diputatuak Gipuzkoako Batzar Nagusietan eman du, EH Bildu batzar-taldearen interpelazio bati erantzunez, Lurraldebusi atxikitako Avanza flotaren mantentzearekin lotutako gaietan gaur egun egin diren aurrerapenen berri.

«Jarri prest zure bizikleta MUGIrekin» ekimena gaur iritsi da Mugikortasunaren Astearen inguruan programatutako 10 helmugetariko lehenera. Hartara, MUGI txartel pertsonalizatua eta bizikleta eramaten dituzten guztiek bizikleta berrikusteko eta doitzeko doako zerbitzua baliatu ahal izango dute. Ikastetxeetan bizikletaren erabilera sustatzeko tailerrak egingo dira DBHko ikasleen artean.

Datorren asteburutik aurrera egongo dira erabilgarri Lurraldebusen «ticketing»eko gailu berriak; izan ere, hiriarteko foru garraio zerbitzuak horiekin hasi du modernizazio prozesua, ordainketa sistema guztien elkarreragingarritasuna lortzeko asmoarekin.