Datuen babeserako legeak arautzen duen moduan, pertsona orok eskubidea du bere irudien erabilera non eta nola erabiliko den ala ez erabakitzeko. Espazio publikoetan ateratako irudiak izan ezik. Gainera, 14 urtetik beherako pertsonek, guraso edo tutore legal baten baimena behar dute. Adin honetatik beherakoren batek baimenik gabeko irudiren bat igoko balu eta, argazki zein bideoan ateratzen den pertsona minduta sentituko balitz eta kexaren bat aurkeztuko balu, argazkia atera duenaren guraso edo tutore legalak dira arduradunak.
Baimena eskatzen denean argi azaldu behar da zer ekintzetarako erabiliko den baimenduaren irudia, baita zein denbora epean izango den ere. Ziurtatu beharko da sinatzen duen pertsonak ondo ulertu duela bere irudia noiz, non eta zertarako erabiliko den.
Baimen eskabide-orri hauek, bereziki, Gipuzkoako haur, nerabe eta gazteen zerbitzuetan irudien baimenak lortu ahal izateko laguntza tresna dira.