Prentsa oharrak

Mugikortasuneko, Turismoko eta Lurralde Antolaketako Departamentuak lurraldea zaintzen laguntzen duten ekimen turistikoak aintzatetsiko ditu Gipuzkoako zaindari sariekin

Gipuzkoako Aldizkari Ofizialak astearte honetan argitaratu ditu Gipuzkoako Zaindari sarien oinarriak, berrikuntza, jasangarritasuna, irisgarritasuna, lankidetza publiko-pribatua eta berdintasuna oinarri hartuta, Gipuzkoako turismo-eredu gizatiarragoa, bidezkoagoa eta balioetan errotuagoa eraikitzen laguntzen duten ekimen turistikoak aitortzeko.

2025/11/04

Matxismoaren aurka eta berdintasunaren alde diharduten elkarteentzako laguntzak handitu ditu Gipuzkoak

Foru Aldundiak % 11 handitu du dirulaguntzen deialdi berria, eta 510.000 eurora iritsiko da 2026an

2025/11/04

Mugikortasuneko, Turismoko eta Lurralde Antolaketako Departamentuak 400.000 eurorekin finantzatuko ditu Pasaia, Errenteria eta Lezoko berroneratze proiektuak

Azahara Domínguez diputatuak jakinarazi duenez, bere sailak hitzarmen bana sinatu du udal horiekin, Pasaialdea biziberritzeko urratsak ematen jarraitzeko. Gogorarazi duenez, bere departamentuak 2015tik hona 13,3 miloi inbertitu ditu eremu horretako hiri-berroneratze jardueretan

2025/11/03

Lurraldebuseko telefono bidezko salmenta zerbitzuak 4.636 txartel saldu ditu lehen urtean

Azahara Domínguez diputatuak jakinarazi duenez, iazko urriaren 14an Avanza kontzesionarioan martxan jarri zen zerbitzu hori gehienbat emakumeek erabili dute ( % 72), eta gaztelaniazko arreta eskatu da nagusiki ( % 85). Ekainean, uztailean, abuztuan eta irailean erabili da gehien zerbitzu hori.

2025/10/31

Europako berrogeita hamar ordezkarik baino gehiagok Irunen izango dira Gipuzkoak mugikortasun iraunkorraren eta hiri-berroneratzearen arloan dituen jardunbide egokiak bertatik bertara ezagutzeko interesa agertu baitute

Azaroaren 6an eta 7an Ficoban egingo den METREXen udazkeneko konferentziak aukera emango die sarea osatzen duten berrogeita hamar hiri eta eskualde baino gehiagori MUGI sistemaren tamainako proiektuak, Vía Irun eta Gipuzkoako bizikletaren estrategia ezagutarazteko.

2025/10/30

1.296 milioi euro zainketak eta etorkizuneko ekonomia bultzatzeko Gipuzkoan

Foru gobernuak 2026ko aurrekontu proiektua aurkeztu du, “Gipuzkoa indartzeko, gaurko eta biharko ongizate integrala bermatzeko”, adierazi du Eider Mendoza diputatu nagusiak. Aldundiak gizarte politikako aurrekontua 600 milioi eurora arte indartzea aurreikusten du, gizarte azpiegitura berriak sortzeko, zainketen eraldaketan aurrera egiteko eta gizarteratzea, osasun mentala eta nahi ez den bakardadea bezalako errealitate sozialei erantzuteko. Sustapen Ekonomikoak 76 milioi izango ditu berrikuntza eta industria sektore emergenteak sustatzeko, eta ETEen lehiakortasuna ziurgabetasunetik babesteko.

2025/10/30

Azahara Domínguez diputatuak "Jarri zure bizikleta prest MUGIrekin" kanpainaren sariak banatu ditu

Mugikortasuneko, Turismoko eta Lurralde Antolaketako foru arduradunak gogorarazi duenez, ekimen hau joan den irailean egin zen 20 herritan, eta lehen aldiz Gipuzkoako eskualde guztietara eta ikastetxe batera iritsi zen. Gainera, aurtena MUGI txartela eskatzeko aukera eskaini da. Kanpaina honetan parte hartu dutenen artean, bi bizikleta eta 20 euroko 60 birkarga MUGI txarteletan zozkatu dira

2025/10/29

Gipuzkoak ‘Maitaro’ proiektua aurkeztu du Europan, ospitale eremuan nahi ez den bakardadearen aurkako esperientzia aitzindaria

Proiektua Gipuzkoako Itxaropenaren Telefonoak bultzatu du, ADINBERRI Fundazioaren eta Gipuzkoako Foru Aldundiaren laguntzarekin, eta Irlandan aurkeztu da bost herrialdetako ordezkarien aurrean, Europako KORALE estrategiaren barruan. ‘Maitaro’ proiektuak ospitaleratutako pertsonen eta haien zaintzaileen nahi gabeko bakardadea detektatzea du helburu eta hari erantzun, aurrez aurreko laguntza, telefono bidezkoa eta erantzun komunitarioko metodologia berritzailea konbinatuz.

2025/10/29

Foru Aldundiak ‘Gipuzkoa Zainduz’ abiatu du, Gipuzkoako gizarte-azpiegiturak hedatzeko tresna berria

Foru-sozietate berriak aukera emango du zainketen eta gizarte-babesaren arloan inbertsio estrategikoak egiteko, lankidetza publiko-sozialerako formulak bultzatuz, betiere lidergo publikoa bermatuz. Mendekotasuna duten adinekoen kopuruak %26 gora egitea aurreikusten da 2030era bitartean, eta ‘Gipuzkoa Zainduz’en helburua da errealitate horri erantzuna ematea. Egungo estaldura bermatzeko, lurraldeak gutxienez 757 egoitza-plaza berri sortzea aurreikusten du data hori baino lehen. Aldundiaren hasierako ekarpena 51 milioi eurokoa izango da, eta horri esker, eta sei sozietate misto eratzearekin batera, 100 milioi euro inguruko inbertsio osoa izango da 2025 eta 2029 bitartean. Epe motzean sozietate mistoak eratzeko lehen deialdiak egingo dira bizitegi-estaldura txikiena duten sei eskualdetan: Buruntzaldean, Debabarrenan, Oarsoaldean, Tolosaldean, Urola Garaian eta Urola Kostan.

2025/10/28

Azahara Domínguez diputatua pozik agertu da Avanza enpresako lan-gatazkari amaiera ematen dion aurreakordioarekin

Azahara Domínguez, Mugikortasuneko, Turismoko eta Lurralde Antolaketako diputatua. "Datuek erakusten digute garraio publikoaren erabileraren goranzko joera mantentzen ari dela 2025ean; horregatik, funtsezkoa da egunero zerbitzu hori ematea ahalbidetzen dutenek beharrezko lan-egonkortasuna eta lan-baldintza duinak eta kalitatezkoak izatea. Horrela bakarrik bermatuko dugu zerbitzua jasangarria, erosoa, eskuragarria, segurua eta herritarren benetako beharretara egokitua izatea”.

2025/10/27

Prentsa Bulegoa

Prentsa oharrak