Departamentua
Gure funtzioak sei norabide hartzen ditu: Kudeaketa estrategia, Hizkuntza berdintasuna, Berdintasuna, Giza Eskubideak eta Kultura Demokratikoa, Komunikazioa eta Eraldaketa Digitala. Horien bidez, bi helburu nagusi ditugu legealdi honetarako; alde batetik, ekonomia enpresa sarea suspertu; eta bestetik, Gipuzkoako Foru Aldundia herritarrei hurbiltzea. Horretarako, Kudeaketa Plan Estrategikoa eta Ekonomia Suspertzeko Planak funtsezkoak izango dira.
Halaber, erronka bat dugu: gobernantza moduak eraldatzea partaidetza eta zuzeneko komunikazioa sustatzearen bidez, bai hiritarren eta baita Aldundiko langileen inplikazioa bilatuz.
Berdintasun politiketan aurrera egitea, euskararen presentzia bermatzea eta bakea eta bizikidetza finkatzea izango dira bestelako helburuak datozen urteotan zehar.
Aurrekontuen kontu saila
Diputatu Nagusiaren Alorra departamentuaren jarduketa estrategiko nahiz operatiboa aurrera eramateko 2020ko aurrekontua:
23.035.829,00 €Gastu aurrekontu programen kontu ematea
Taldea
Markel Olano Arrese
Gipuzkoako Diputatu Nagusia
Beasainen 1965eko ekainaren 2an jaioa.
Filosofian lizentziatua EHU/UPVn.
1965ean jaio nintzen Beasainen, eta bertako ikastolan eta Alkartasuna Lizeoan egin nituen ikasketak. Ondoren, Euskal Herriko Unibertsitatean, Filosofia ikasketak egin nituen, nahiz eta nire konpromisoa politikagintzara lotuagoa egon den gaztetatik. Zehazki, 15 urte nituela hasi nintzen politikagintzan, Beasaingo EGIren eskutik, nerabe nintzenetik sentitu izan baitut herrigintza, euskalgintzan eta kultur munduarekiko interes handia. Urte horietan guztietan, zeregin ezberdinak bete ditut EAJ-PNVren barruan, eta, 2007-2011 urte bitartean, Gipuzkoako Diputatu Nagusi izan nintzen. Maiatzeko hauteskundeak geroztik, bigarrenez ekin diot zeregin berari, eta datozen lau urteetan Gipuzkoa hobeago baten alde lanean arituko naiz buru belarri.
Irakurri CV osoaAlorretako zuzendariak
- Diputatu Nagusiaren Kabineteko burua:
- Felix Maria Urkola
- Estrategia:
- Sebastian Zurutuza
- Komunikazioa:
- Elene Arrazola
- Giza Eskubideak eta Kultura Demokratikoa:
- Ion Gambra
- Hizkuntza Berdintasuna:
- Miren Garbiñe Mendizabal
- Eraldaketa Digitala:
- Gorka Sagarna
- Emakumeen eta Gizonen Berdintasuna:
- Miren Elgarresta
Zuzendaritzak
Estrategia Zuzendaritza Nagusia
Arlo hau Aldundiaren Kudeaketa Plan Estrategikoa definitzera dago bideratuta, baita bere jarraipena antolatu eta bermatzera ere.
Komunikazio Zuzendaritza Nagusia
Gure helburua da Aldundiaren eta gizartearen arteko komunikazioa etengabekoa eta eraginkorra izatea.
Giza Eskubideetako eta Kultura Demokratikoko Zuzendaritza Nagusia
Zuzendaritza honen xedea elkarbizitza eta Giza Eskubideak sustatzea da.
Hizkuntza Berdintasuneko Zuzendaritza Nagusia
Gure konpromisoa da euskararen normalizazioa eta erabilera bultzatzeko politikak aurrera eramatea, gizartean zein Aldundiko administrazioan.
Eraldaketa Digitaleko Zuzendaritza Nagusia
Arlo honen xedea herritarrekin komunikazio digitala arina eta eraginkorra lortzea da.
Emakumeen eta Gizonen Berdintasunerako Organoa
Organo honen eginkizuna da bai gipuzkoar gizartean eta baita foru administrazioan ere gizon eta emakumeen arteko berdintasuna sustatzea.
