Gipuzkoako bilketa metatua % 9,7 igo da irailera arte, aurreko urtearekin alderatuta
Gipuzkoako zerga bilketa metatuak % 9,7ko hazkundea izan du aurreko urtearen aldean. Guztira 4.036 milioi euro bildu dira irailera arte, 2024ko aldi berean baino 358 milioi gehiago. Dirusarrera osoak % 7 igo dira, eta itzulketak ia ez dira aldatu. Zuzeneko zergen bilketa likidoak % 9 egin du gora; zeharkako zergenak, % 7,3; eta Estatuarekiko egokitzapenenak, % 25,3.