Gobernu Kontseiluak argi berdea eman dio gaur laguntza lerro berri bati, Enpresak babesten izenekoa, tokiko merkataritza, langile autonomoak eta lurraldeko mikroenpresak babesteko eta indartzeko helburuarekin. "Ekimen hau sortzen da sektore horiek Gipuzkoako ekonomian funtsezko zeregina dutelako, bai enpleguari egiten dioten ekarpenagatik, bai lurralde errotzeagatik eta bizitza soziala eta ekonomikoa dinamizatzeko duten gaitasunagatik", Irune Berasaluze foru bozeramaileak ildo berri honen aurkezpenean azaldu duenez. "Programaren diseinua sektoreko elkarteekin lankidetza sendotzeko eta haien beharrei modu aktiboan erantzuteko prozesu baten emaitza da”, “bereziki sentibera den sektore baten lehentasunak lehen eskutik ezagutzeko helburuarekin abiarazi dena". “Merkataritza txikiak, autonomoek eta mikroenpresek Gipuzkoako bizi kalitaterako duten balio estrategikoa aitortzen duen programa batez ari gara. Funtsezko eragileak dira enplegua sortzeko, tokiko nortasunari eusteko eta gizarte-kohesioa sustatzeko. Laguntza horien bidez, haien ondoan egon nahi dugu, babesa eskaini eta eraldaketa handien testuinguruan lehiakortasuna indartu”, azpimarratu du Berasaluzek.