N-I errepidean (421,820 – 422,160 KP-an), Ordiziako Bustuntza auzo parean, pantaila akustiko berriak instalatzeko lanak hasi dira jada. Obrak apirilaren 17an hasi ziren, eta zazpi hilabeteko iraupena izango dutela aurreikusten da, 1,149 milioi euroko aurrekontuarekin. Neurketen arabera, zaratak 2.625 pertsonari eragiten die ikastetxeak ere badauden eta trafiko-intentsitate handia duen eremu horretan.