Gaur egun, aldaketaren abiadura dela eta, are gehiago jabetzen gara etorkizuna orain dela. Azelerazio hori duela lau urte identifikatu genuen Gipuzkoako Foru Aldundian, Etorkizuna Eraikiz ekimena aktibatuta.
Etorkizuna Eraikiz hiru zutabetan oinarritzen da; horiek kontuan hartuta jarraitzen dugu egungo eta etorkizuneko ongizatea eraikitzen eta hobetzen: Ekonomia, Gizarte Ongizatea eta Garapen Iraunkorra. Ekimen horren bidez bideratzen ditugu zu bezalako gipuzkoarrak garatzen ari diren ekintza, plan eta proiektu guztiak. Eta zuei esker, ziur gaude gure etorkizuna diseinatzen, sortzen, ikertzen, garatzen eta eraikitzen ari garela, orain.
Gipuzkoa Berdea
Gure lurraldearen % 61 basoa da. Eta hala izaten jarraituko du, guztion artean barrutik datorren aldaketa hori egitea erabakitzen badugu eta gure ingurunea babesteko lanean arreta jartzen badugu. Etorkizuna Eraikizen, etorkizun jasangarriagoa lortzeko oinarriak sortzen ari gara ekonomia zirkularra, energia berriztagarriak eta deskarbonizazioa bultzatzen dituzten proiektuekin.
Horretarako, Naturklima bultzatu dugu; klima-aldaketak mundu osoan eta bereziki gure lurraldean dituen efektuen jarraipena egiteko erreferentziazko zentroa bat. Gipuzkoa Deep Demonstration prozesuan, lehiakortasuneko eta babes sozialeko gure egungo eredutik abiatuta trantsizio jasangarria bultzatzeko gure prozesua bideratu nahi dugu.
Zaintza eredu berria
Gero eta gehiago bizi gara eta nola zahartu erabaki nahi dugu. Gipuzkoako Foru Aldundia zainketen etorkizuna lantzen ari da Etorkizuna Eraikiz ekimenaren bidez.
Gero eta zaintza pertsonalizatuagoak, komunitateari lotuagoak daudenak eta berritzaileak. Datozen 8 urtetan 39 jarduketa garatuko dira zaintzen duen eta nola zaindua izan nahi duen erabakitzen duen lurraldea izateko. Gure etorkizunaren alde lantzen ari diren gizarte-politikak, orain.
Gizarte-politikekin konpromiso irmoa dugu; izan ere, gure zutabeetako bat da. Hala, zaurgarritasun-egoeran dauden 28.000 pertsonari baino gehiagori ematen diegu arreta. Ziur baikaude urrunago iristeko modu bakarra gertuago egotea dela.
Elkar-EKIN Lanean
Desberdintasun gutxien dituen Europako lurraldeen artean jarraitu nahi dugu, horregatik, Gipuzkoako Foru Aldundia babestutako lanaren eta ekonomia sozialaren eredu propioa lantzen ari da, Etorkizuna Eraikiz ekimenaren bidez.
Gizarte politikak kudeatzeko modu berezia dugu. Eredu propio bat, gizarte eragileekin eta irabazi asmorik gabeko erakundeekin sinatutako hitzarmen eta akordioen bidez, gizarte bazterkeria egoeran edo arriskuan dauden pertsonei laneratzeko ibilbide pertsonalizatuak eskaintzeko lan egiten dugu.
Berdintasunaren bitartez desberdintasuna markatuko duen Gipuzkoa batengan sinesten dugu.
Enpleguaren kalitatea hobetzea
Beti gure jendearekin eta gure jendearentzat. Betiere pertsonak gure ekintza bakoitzaren sorburu eta helburu izanik, enpleguaren bidez gure bizi-kalitatea hobetzen jarraitzeko asmoa dugu.
Langileek enpresetan parte hartzea sustatuz, kontziliazio erantzunkidea sustatuz, enpresa-berdintasunerako planak aktibatuz eta gaur egun atzerrian erabiltzen diren Gipuzkoako talentua erakartzeko planak sortuz. Ekintza horiek lanaren etorkizuna bultzatzen ari dira, orain.
Enpresei laguntzen
Gure ustez, Gipuzkoako enpresen ekintzailetza, hedapena eta nazioartekotzea deitzen diogun bidaia horretan laguntzaile izatea da gure egitekoa.
Ibilbide luzea, eta beti zaila. Bide horretan, enpresei laguntzen diegu eta gure produkzio-sektoreen lehiarako gaitasunari eusten diogu, zerga-politika progresiboak aplikatuz, enpresa-ekimen bakoitza, handia zein txikia, lagunduz, eskualdeko garapenerako gure hamar agentzien bitartez.
Politika eta ekintza horiek guztiak ari dira enpresen etorkizuna bultzatzen, orain.
Ekonomia modernizatzen
Gure ekonomia modernizatzea ez da aukera bat, betebeharra baizik. Horregatik, Gipuzkoako Foru Aldundiak urteak daramatza gure lurraldearen etorkizun ekonomikoan lanean, gizartearekin, enpresekin eta erakundeekin elkarlanean, eraldaketa ekonomikora bideratutako politika publikoen bidez, Etorkizuna Eraikiz tresna gisa erabiliz.
Guztiok elkarrekin, erreferentziazko zortzi zentro eta hiru proiektu estrategiko bultzatzen ari gara sektore erabakigarrietan, hala nola: elektromugikortasuna, zibersegurtasuna, biozientziak eta teknologia kuantikoak, industriak. Horiekin, gure ekonomiaren etorkizuna eraldatzen ari gara, orain.
