Ogasun eta Finantzak - Departamentua
Departamentua
Ogasun eta Finantza Departamentuak aberastasuna banatu eta ekonomia sustatzeko erreminta izatea du xede. Foru Aldundiaren baliabideak ongi kudeatzea, sarreren jasangarritasuna bermatzea eta iruzur fiskalaren aurkako egitasmoak indartzea izango dira departamentuaren eguneroko jarduna zuzenduko duten lan lerroak. Arlo ekonomikoan, Ogasun eta Finantza alorrak lurraldearen lehiakortasunaren hobekuntzan eragile aktiboa izan nahi du eta, bere alorretik, ekonomia suspertzeko estrategiari ekarpena egin.
Aurrekontu partida
Ogasun eta Finantzak, 2026an , bere jardun estrategiko zein operatiborako, urteko aurrekontu hau izango du:
Aurrekontua
6.029.633.832 €
Exekutatua
% 16,44
Itziar Agirre Berriotxoa
Ogasun eta Finantza Diputatua
Urretxuarra naiz (1975), Zuzenbidean lizentziaduna Deustuko Unibertsitatean, zuzenbide juridiko-ekonomikoan espezializatua. Gainera, Zuzenbide autonomikoan diploma bat daukat Euskal Herriko Unibertsitatean (UPV-EHU), eta Executive MBA bat Gipuzkoako Merkataritza Ganberan eta Mondragon Unibertsitatean. Zerga arloan eskarmentu handia dut, Gipuzkoako Foru Aldundiko Ogasun eta Finantza diputatu izendatu aurretik Ogasuneko sailburuorde izan bainaiz 2017tik 2024ra. Aldez aurretik, gainera, Zerga Administrazioko zuzendaria izan naiz Eusko Jaurlaritzako Ogasun eta Finantza Sailean 2013-2017 bitartean. Euskara eta ingelesa menderatzen ditut. Eusko Jaurlaritzan izan dudan ibilbide profesionalari 2007-2013 aldian Gipuzkoako Batzar Nagusietako batzarkide gisa erakunde publikoetan izan dudan esperientzia gehitu behar zaio. Gaur egun, gainera, Urretxuko zinegotzia naiz 2003tik.
Zuzendaritzak
Irune Yarza
Ogasun zuzendaria
Ogasun Zuzendaritzaren zeregin nagusia da Foru Aldundiari dagozkion zergak kudeatzea, herritarren zergen bilketa modu eraginkorrean eginez.
Aitziber Beldarrain
Finantza eta Aurrekontu zuzendaria
Zuzendaritza honek Foru Aldundiaren finantza eta aurrekontuak modu egokian kudeatzea du helburu.
Zuzendaritzaren webguneak
Bittori Zabala
Zerga eta Finantza Politikako zuzendaria
Zuzendaritza hau Foru Aldundiaren zerga-sistema eta finantza arloko politiketan oinarritzen da, testuingurua sakonean aztertuz eta unean uneko beharretara egokituz.
Zuzendaritzaren webguneak
Departamentuko aktualitatea
2026/04/07
Gaurko 12:00ak arte, autolikidazio proposamen bat jaso duten pertsonen % 5,3k onartu dute, Gipuzkoako Foru Ogasunaren datuen arabera
2026/04/02
Hiru Lurralde Historikoen eskuduntza fiskal propioari esker, foru aldundiek Irango gatazkak eragin ditzakeen ondorioak arintzeko adostu dituzten zerga neurriak aurkeztu dituzte gaur goizean. Helburua da Ekialde Hurbileko gerraren ondorioek eta ziurgabetasunak hiru lurraldeetako ekonomian, inbertsioan eta enpleguan izan dezakeen eragina arintzea. Neurri horiek, nagusiki, hauek dira: zerga zorrak geroratzea, PFEZaren ordainketa zatikatua egitetik salbuestea, eskuratutako aktibo berrien ezohiko amortizazio azeleratua, enplegua sortzearen kenkari gehitua. Era berean, aldundiek konpromisoa hartu dute BEZaren itzulketen tramiteak arintzeko, hartara enpresek finantzaketa handiagoa izan dezaten.
2026/03/17
Gobernu Kontseiluak Turismo Zergaren Foru Arau proiektua onartu du
Zerga horretaz gain, Gipuzkoako Foru Aldundiak Lurralde Historikoko Ondasun Higiezinen gaineko Zergaren eta Higiezinen Katastroaren Foru Arauaren proiektuak ere onartu ditu